ਅਰਸ਼ਾਂ ਦੀ ਹੋਈ ਐਸੀ, ਫ਼ਰਸ਼ਾਂ ਤੇ ਮਿਹਰਬਾਨੀ
ਦਿਲ ਕਾਸਿਆਂ 'ਚ ਪਾਈ, ਖ਼ੈਰਾਤ ਰੌਸ਼ਨੀ ਦੀ |
ਅੱਖੀਆਂ ਦੇ ਨੀਰ ਲਰਜ਼ੇ, ਪਿਆਰਾਂ ਦੇ ਮੇਘ ਗਰਜੇ
ਸਾਰੀ ਦੀ ਸਾਰੀ ਹੋਈ, ਕਾਇਨਾਤ ਰੌਸ਼ਨੀ ਦੀ |
ਮੱਥਿਆਂ 'ਚ ਦੀਵੇ ਬਲ ਪਏ, ਸਾਰੇ ਹਨੇਰੇ ਜਗ ਪਏ
ਕਿੰਨੀ ਸੁਹਾਵਣੀ ਹੈ, ਇਹ ਦਾਤ ਰੌਸ਼ਨੀ ਦੀ |
ਹਰ ਤਰਫ਼ ਹੈ ਮੁਹੱਬਤ, ਹਰ ਤਰਫ਼ ਹੈ ਮੁਸੱਰਤ
ਧਰਤੀ ਨੂੰ ਵਲ ਰਹੀ ਹੈ, ਇਹ ਕਨਾਤ ਰੌਸ਼ਨੀ ਦੀ |
ਹਰ ਤਰਫ਼ ਤੇਰਾ ਜਲਵਾ, ਹਰ ਦਿਲ 'ਚ ਇਸ਼ਕ ਬਣ ਕੇ
ਤੂੰ ਹੀ ਤਾਂ ਦੇ ਰਿਹਾ ਹੈਾ, ਇਹ ਝਾਤ ਰੌਸ਼ਨੀ ਦੀ |
ਦੀਵਾਲੀ ਦੀ ਰਾਤ <br/>
ਅਜੀਤ ਡੈਸਕ
31-10-2024
