ਦੀਵਿਆਂ ਵਾਲੀਏ <br/>

• ਹਰੀ ਕ੍ਰਿਸ਼ਨ ਮਾਇਰ •

ਕੱਲਾ ਕੱਲਾ ਦੀਵਾ ਅੱਜ ਮੈਂ
ਰੀਝਾਂ ਨਾਲ ਜਗਾਵਾਂ
ਦੇ ਕੇ ਜਾੲੀਂ ਇਸ ਵਾਰੀ
ਦਿਲ ਨਾਲ ਦੁਆਵਾਂ
ਦੀਵਿਆਂ ਵਾਲੀਏ...

ਭੋਰਾ ਭੋਰਾ ਚਾਨਣ ਵੀ
ਕਰ ਦੇਂਦਾ ਦੂਰ ਹਨੇਰਾ
ਦੀਵਿਆਂ ਅੰਦਰ ਉੱਗ ਪੈਂਦਾ
ਹੈ ਸੂਰਜ ਵਰਗਾ ਜ਼ੇਰਾ
ਰੀਝਾਂ ਦੀ ਵੱਟ ਬੱਤੀ
ਤੇਲ ਮੁਹੱਬਤ ਦਾ ਪਾਵਾਂ
ਦੀਵਿਆਂ ਵਾਲੀਏ... |

ਬੋਲ ਤੋਤਲੇ ਖੇਡਾਂ ਖੇਡਣ
ਰੁੱਖ ਵਡੇਰੇ ਦੀ ਛਾਵੇਂ
ਛੱਤ ਬਚਾਉਣੀ ਔਖੀ ਹੁਣ
ਜਿਉਂਦੇ ਰੱਖਣੇ ਨੇ ਸਿਰਨਾਵੇਂ
ਰੋਜ਼ ਡਰਾਉਣ ਆਉਂਦੀਆਂ ਸਾਨੂੰ
ਨ੍ਹੇਰੀਆਂ ਕਾਲੀਆਂ ਬੋਲੀਆਂ ਰਾਹਵਾਂ
ਦੀਵਿਆਂ ਵਾਲੀਏ... |
ਰਾਵਣ ਭੇਸ ਵਟਾ ਕੇ
ਗਲੀ ਮੋੜ 'ਤੇ ਖੜ੍ਹਦੇ
ਇੱਜ਼ਤਾਂ ਵਾਲੇ ਡਰਦੇ ਲੋਕੀਂ
ਕੁੰਡੇ ਲਾ ਅੰਦਰ ਵੜਦੇ
ਕਿਉਂ ਨਾ ਤੀਰ ਉਠਾਵਾਂ
ਰਾਖਸ਼ ਨੂੰ ਮਿਲ ਆਵਾਂ
ਦੀਵਿਆਂ ਵਾਲੀਏ... |

ਇਸ ਵਾਰੀ ਦੀਵਾਲੀਏ
ਕੋਈ ਐਸਾ ਕਰਮ ਕਰੀਂ
ਲੋਕਾਂ ਦੇ ਮੱਥੇ ਵਿਚ
ਕੋਈ ਸੋਹਣਈ ਸੋਚ ਧਰੀਂ
ਖ਼ੈਰ ਮੰਗਾਂ ਧਰਤੀ ਦੀ
ਕਾਹਤੋਂ ਪੌਣੀ ਜ਼ਹਿਰ ਖਿੰਡਾਵਾਂ
ਦੀਵਿਆਂ ਵਾਲੀਏ!
ਦੀਵਿਆਂ ਵਾਲੀਏ |

-ਮੋਬਾਈਲ : 97806-67686