• ਹਰਦੇਵ ਸਿੰਘ 'ਭੁੱਲਰ' •
ਐਤਕੀਂ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ |
ਅਸਾਂ ਸੋਹਣੇ ਪੌਦੇ ਨੇ ਲਗਾਉਣੇ-ਦੀਵਾਲੀ ਵਾਲੇ ਦਿਨ¨
ਐਂਤਕੀ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ |
ਸਾਰਿਆਂ ਨੇ ਇਸ ਗੱਲ ਦਾ ਰੱਖਣਾ ਖਿਆਲ ਜੀ |
ਚੌਗਿਰਦਾ ਖ਼ਰਾਬ ਹੋਵੇ ਪਟਾਕਿਆਂ ਦੇ ਨਾਲ ਜੀ¨
ਸਿੱਖ ਲਈਏ ਫਰਜ਼ ਨਿਭਾਉਣੇ-ਦੀਵਾਲੀ ਵਾਲੇ ਦਿਨ |
ਐਤਕੀਂ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ¨
ਮਠਿਆਈਆਂ ਨਕਲੀ ਵਿਕਣ ਬਾਜ਼ਾਰ ਬਈ |
ਭੋਲੇ-ਭਾਲੇ ਲੋਕ ਖ਼ਾ ਕੇ ਹੋਂਵਦੇ ਬਿਮਾਰ ਬਈ¨
ਲੱਡੂ ਅਤੇ ਪੇੜੇ ਘਰ 'ਚ ਬਣਾਉਣੇ-ਦੀਵਾਲੀ ਵਾਲੇ ਦਿਨ |
ਐਤਕੀਂ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ¨
ਕਰਕੇ ਸਫ਼ਾਈਆਂ ਘਰਾਂ ਤਾਈ ਚਮਕਾਵਾਂਗੇ |
ਦੀਵੇ ਅਤੇ ਮੋਮਬੱਤੀਆਂ ਦੇ ਨਾਲ ਰੁਸ਼ਨਾਵਾਂਗੇ¨
ਨਵੇਂ-ਨਵੇਂ ਕੱਪੜੇ ਵੀ ਪਾਉਣੇ-ਦੀਵਾਲੀ ਵਾਲੇ ਦਿਨ |
ਐਤਕੀਂ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ¨
'ਪਿੰਡ ਮਸਤੇ ਵਾਲਾ' ਗੱਲ ਕਰਦਾ ਸਿਆਣੀ |
ਰੁੱਖ, ਕੁੱਖ ਤੇ ਬਚਾ ਲਈਏ 'ਭੁੱਲਰਾ' ਪਾਣੀ¨
ਇਹ ਸੁਨੇਹੇ ਘਰਾਂ 'ਚ ਪਹੁੰਚਾਉਣੇ-ਦੀਵਾਲੀ ਵਾਲੇ ਦਿਨ |
ਐਤਕੀਂ ਪਟਾਕੇ ਨਹੀਂ ਚਲਾਉਣੇ-ਦੀਵਾਲੀ ਵਾਲੇ ਦਿਨ¨
ਅਸਾਂ ਸੋਹਣੇ ਪੌਦੇ ਨੇ ਲਗਾਉਣੇ-ਦੀਵਾਲੀ ਵਾਲੇ ਦਿਨ |
-ਪਿੰਡ ਮਸਤੇ ਵਾਲਾ (ਜ਼ੀਰਾ )
ਮੋਬਾਈਲ : 94173-19048
