ਫਿਰ ਬਦਲੇ ਪਠਾਨਕੋਟ ਦੇ ਮਾਈਨਿੰਗ ਅਫਸਰ
ਅਜੀਤ ਡੈਸਕ
19-10-2025
ਪਠਾਨਕੋਟ, 18 ਅਕਤੂਬਰ (ਵਿਨੋਦ)-ਜਲ ਸਰੋਤ ਵਿਭਾਗ ਵਲੋਂ ਇਕ ਵਾਰ ਫਿਰ ਤੋਂ ਪਠਾਨਕੋਟ ਦੇ ਮਾਈਨਿੰਗ ਅਫਸਰਾਂ ਦੇ ਤਬਾਦਲੇ ਕਰ ਦਿੱਤੇ ਗਏ ਹਨ | ਗੱਲ ਦੱਸਣਯੋਗ ਹੈ ਕਿ ਹੜ੍ਹਾਂ ਦੌਰਾਨ ਮਾਈਨਿੰਗ ਅਫਸਰ ਐਕਸੀਅਨ ਨੀਤਨ ਸੂਦ ਨੂੰ ਜਲ ਸਰੋਤ ਵਿਭਾਗ ਦੇ ਸਕੱਤਰ ਕਿ੍ਸ਼ਨ ਕੁਮਾਰ ਦੇ ਹੁਕਮਾਂ 'ਤੇ ਸਸਪੈਂਡ ਕਰ ਦਿੱਤਾ ਗਿਆ ਸੀ ਤੇ ਉਸ ਦੇ ਬਾਅਦ ਐਕਸੀਅਨ ਰਜਿੰਦਰ ਪਾਲ ਗੋਇਲ ਨੂੰ ਪਠਾਨਕੋਟ ਮਾਈਨਿੰਗ ਅਫਸਰ ਬਣਾਇਆ ਗਿਆ ਸੀ | ਦੋ ਮਹੀਨੇ ਬਾਅਦ ਫਿਰ ਤੋਂ ਜਲ ਸਰੋਤ ਵਿਭਾਗ ਦੇ ਸਕੱਤਰ ਕਿ੍ਸ਼ਨ ਕੁਮਾਰ ਵਲੋਂ ਪੱਤਰ ਜਾਰੀ ਕਰਕੇ ਮੁੱਖ ਮੰਤਰੀ ਦੇ ਨਿਰਦੇਸ਼ਾਂ ਅਨੁਸਾਰ ਰਜਿੰਦਰ ਪਾਲ ਗੋਇਲ ਦਾ ਤਬਾਦਲਾ ਕਰ ਦਿੱਤਾ ਗਿਆ ਤੇ ਉਨਾਂ ਦੀ ਜਗ੍ਹਾ ਹੁਸ਼ਿਆਰਪੁਰ ਤੋਂ ਵਿਜੀਲੈਂਸ ਕੁਆਲਿਟੀ ਐਸੋਰੈਸ ਹੁਸ਼ਿਆਰਪੁਰ ਦੇ ਕਾਰਜਕਾਰੀ ਇੰਜੀਨੀਅਰ ਪ੍ਰੀਤ ਸਿਮਰ ਸੰਧੂ ਨੂੰ ਕਾਰਜਕਾਰਨੀ ਇੰਜੀਨੀਅਰ ਕਮ ਮਾਈਨਿੰਗ ਅਫਸਰ ਪਠਾਨਕੋਟ ਲਗਾਇਆ ਗਿਆ ਅਤੇ ਐਸ.ਡੀ.ਓ. ਮਾਈਨਿੰਗ ਮੰਡਲ ਵਿਚ ਸਸਪੈਂਡ ਕੀਤੇ ਗਏ ਐਸ.ਡੀ.ਓ. ਲਵਪ੍ਰੀਤ ਦੀ ਥਾਂ ਪੰਕਜ ਬਾਲੀ ਨੂੰ ਐਸ.ਡੀ.ਓ. ਮਾਈਨਿੰਗ ਮੰਡਲ ਲਗਾਇਆ ਗਿਆ ਹੈ |
