ਫ਼ਰੀਦਕੋਟ, 24 ਦਸੰਬਰ (ਜਸਵੰਤ ਸਿੰਘ ਪੁਰਬਾ)-ਸਰਕਾਰੀ ਪ੍ਰਾਇਮਰੀ ਸਕੂਲ ਢੀਮਾਂ ਵਾਲੀ ਦੇੇ ਵਿਹੜੇ 'ਚ ਬੇਟੀ ਨਾਇਰਾ ਕਥੂਰੀਆ ਅੰਤਰਰਾਸ਼ਟਰੀ ਚੈਸ ਪਲੇਅਰ ਦੇ ਜਨਮ ਦਿਨ ਦੀ ਖ਼ੁਸ਼ੀ 'ਚ ਚੈਸ ਖੇਡ ਨੂੰ ਪ੍ਰਮੋਟ ਕਰਨ ਲਈ ਪੰਜਾਬ ਸਟੇਟ ਚੈਸ ਐਸੋਸੀਏਸ਼ਨ ਦੇ ਪ੍ਰਧਾਨ ਅੰਕੁਸ਼ ਕਥੂਰੀਆ, ਤਮੰਨਾ ਕਥੂਰੀਆ ਚੇਅਰਪਰਸਨ ਵੂਮੈਨ ਸੈਲ ਕਮੇਟੀ, ਸ਼ਿੰਦਰਪਾਲ ਕੌਰ ਜ਼ਿਲ੍ਹਾ ਚੈਸ ਐਸੋਸੀਏਸ਼ਨ ਫ਼ਰੀਦਕੋਟ ਦੇ ਸੈਕਟਰੀ ਤੇ ਸ਼ਮਿੰਦਰ ਸਿੰਘ ਮਾਨ ਈ.ਆਰ. ਟੀ.ਓ ਮੋਗਾ ਤੇ ਜ਼ਿਲ੍ਹਾ ਚੈਸ ਪ੍ਰਧਾਨ ਨੇ ਪ੍ਰਾਇਮਰੀ ਵਿੰਗ ਤੋਂ ਸੀਨੀਅਰ ਵਿੰਗ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਢੀਮਾਂ ਵਾਲੀ, ਸਰਕਾਰੀ ਹਾਈ ਸਕੂਲ ਢੀਮਾਂ ਵਾਲੀ, ਸਰਕਾਰੀ ਪ੍ਰਾਇਮਰੀ ਸਕੂਲ ਦਾਨਾ ਰੋਮਾਣਾ ਅਤੇ ਸਰਕਾਰੀ ਮਿਡਲ ਸਕੂਲ ਦਾਨਾ ਰੋਮਾਣਾ ਦੇ ਬੱਚਿਆਂ ਨੂੰ ਚੈਸ ਬੋਰਡ ਵੰਡ ਕੇ ਜਨਮ ਦਿਨ ਮਨਾਇਆ | ਇਸ ਮੌਕੇ ਸ਼ਮਿੰਦਰ ਸਿੰਘ ਮਾਨ ਏ.ਆਰ. ਟੀ.ਓ. ਵਲੋਂ ਬੱਚਿਆਂ ਨੂੰ ਚੈਸ ਖੇਡ ਬਾਰੇ ਉਤਸ਼ਾਹਿਤ ਕਰਨ ਲਈ ਪ੍ਰੇਰਿਆ ਗਿਆ ਤੇ ਸਟੇਟ ਪ੍ਰਧਾਨ ਅੰਕੁਸ਼ ਕਥੂਰੀਆਂ ਵਲੋਂ ਚੈਸ ਖੇਡ ਦੇ ਮੁੱਢਲੇ ਇਤਿਹਾਸ ਤੋਂ ਜਾਣੂੰ ਕਰਵਾਇਆ ਗਿਆ | ਇਸ ਮੌਕੇ ਰਵਿੰਦਰ ਸਿੰਘ ਹੈਡ ਮਾਸਟਰ, ਸੁਖਜੀਵਨ ਸਿੰਘ ਢਿੱਲੋਂ, ਜਸਵੀਰ ਸਿੰਘ ਢੀਮਾਂ ਵਾਲੀ, ਮੁਕੇਸ਼ ਸੇਠੀ (ਚੈਸ ਕੋਚ), ਗੁਰਜੀਤ ਸਿੰਘ ਸਰਪੰਚ ਢੀਮਾਂ ਵਾਲੀ, ਸੁਖਵਿੰਦਰ ਸਿੰਘ ਸਹੋਤਾ ਆਦਿ ਹਾਜ਼ਰ ਸਨ |
