ਸੰਗਰੂਰ, 31 ਅਕਤੂਬਰ (ਪਸੌਰੀਆ) - ਸ਼੍ਰੀ ਖਾਟੂ ਸ਼ਿਆਮ ਜਨਮ ਉਤਸਵ ਨੂੰ ਲੈ ਕੇ 1 ਨਵੰਬਰ ਨੂੰ ਸੰਗਰੂਰ ਵਿਖੇ ਵੱਖ-ਵੱਖ ਧਾਰਮਿਕ ਤੇ ਸਮਾਜਿਕ ਸੰਸਥਾਵਾਂ ਵਲੋਂ ਰਥ ਯਾਤਰਾ ਅਤੇ ਨਿਸ਼ਾਨ ਯਾਤਰਾ ਕੱਢੀ ਜਾਵੇਗੀ | ਸ੍ਰੀ ਸ਼ਾਮ ਬਾਬਾ ਨਿਸ਼ਾਨ ਯਾਤਰਾ ਮੰਡਲ ਸੰਗਰੂਰ ਵਲੋਂ ਕੱਢੀ ਜਾ ਰਹੀ ਇਸ ਯਾਤਰਾ ਬਾਰੇ ਜਾਣਕਾਰੀ ਦਿੰਦਿਆਂ ਐਡਵੋਕੇਟ ਲਲਿਤ ਕੁਮਾਰ ਗਰਗ ਨੇ ਦੱਸਿਆ ਕਿ ਇਹ ਯਾਤਰਾ 10:30 ਵਜੇ ਸਵੇਰੇ ਮੰਦਿਰ ਸ੍ਰੀ ਮਹਾਂਕਾਲੀ ਦੇਵੀ ਮੰਦਿਰ ਪਟਿਆਲਾ ਗੇਟ ਸੰਗਰੂਰ ਤੋਂ ਸ਼ੁਰੂ ਹੋਵੇਗੀ ਜੋ ਮੰਦਿਰ ਸ਼੍ਰੀ ਖਾਟੂ ਸ਼ਿਆਮ ਹਰੀਪੁਰਾ ਵਿਖੇ ਸਮਾਪਤ ਹੋਵੇਗੀ | ਸ਼ਹਿਰ ਵਾਸੀਆਂ ਵਲੋਂ ਥਾਂ-ਥਾਂ 'ਤੇ ਇਸ ਯਾਤਰਾ ਦਾ ਸਵਾਗਤ ਕੀਤਾ ਜਾਵੇਗਾ | ਐੱਡ. ਗਰਗ ਨੇ ਦੱਸਿਆ ਕਿ ਸ਼੍ਰੀ ਖਾਟੂ ਸ਼ਾਮ ਵੈੱਲਫੇਅਰ ਕਮੇਟੀ ਹਰੀਪੁਰ ਕਲੋਨੀ ਸੰਗਰੂਰ ਵਲੋਂ ਖਾਟੂ ਸ਼ਿਆਮ ਮੰਦਿਰ ਵਿਖੇ ਸ਼ਾਮ ਨੂੰ 7:30 ਤੋਂ ਜਾਗਰਨ ਕਰਵਾਇਆ ਜਾ ਰਿਹਾ ਹੈ ਜਿਸ ਦੌਰਾਨ ਸ੍ਰੀ ਨੀਰਜ ਸਿੰਗਲਾ ਅਤੇ ਕਮਲ ਵਰਮਾ ਗੁਣਗਾਨ ਕਰਨਗੇ | ਇਸ ਮੌਕੇ ਸ੍ਰੀ ਖਾਟੂ ਸ਼ਾਮ ਵੈੱਲਫੇਅਰ ਕਮੇਟੀ ਹਰੀਪੁਰਾ ਦੇ ਪ੍ਰਧਾਨ ਇੰਦਰਜੀਤ ਕੁਮਾਰ ਗਰਗ, ਮਨੀਸ਼ ਕੁਮਾਰ ਗੋਰਾ, ਸੰਜੀਵ ਕੁਮਾਰ ਬਿੱਟੂ, ਸੰਦੀਪ ਕੁਮਾਰ ਗਰਗ, ਐਡਵੋਕੇਟ ਸ਼ੁਭਮ ਗਰਗ, ਸਨੀਲ ਕੁਮਾਰ ਹਰੀਪੁਰਾ ਅਤੇ ਹੋਰ ਮੌਜੂਦ ਸਨ |
