ਜੈਪੁਰ, 5 ਅਪ੍ਰੈਲ (ਪੀ.ਟੀ.ਆਈ.) ਪੁਲਿਸ ਨੇ ਐਤਵਾਰ ਨੂੰ ਕਿਹਾ ਕਿ ਰਾਜਸਥਾਨ ਦੇ ਬੀਕਾਨੇਰ ਜ਼ਿਲ੍ਹੇ 'ਚ ਭਾਰਤ-ਪਾਕਿਸਤਾਨ ਅੰਤਰਰਾਸ਼ਟਰੀ ਸਰਹੱਦ ਦੇ ਨੇੜੇ ਇਕ 40 ਸਾਲਾ ਡੈਨਿਸ਼ ਨਾਗਰਿਕ ਨੂੰ ਬਿਨਾਂ ਇਜਾਜ਼ਤ ਦੇ ਇਕ ਪਾਬੰਦੀਸ਼ੁਦਾ ਖੇਤਰ ਵਿੱਚ ਦਾਖ਼ਲ ਹੋਣ ਦੇ ਦੋਸ਼ 'ਚ ਹਿਰਾਸਤ 'ਚ ਲਿਆ ਗਿਆ ਹੈ | ਉਸ ਵਿਅਕਤੀ ਦੀ ਪਛਾਣ ਰੇਨੇ ਵਜੋਂ ਹੋਈ ਹੈ | ਉਸਨੂੰ ਵਿਸਥਾਰ 'ਚ ਪੁੱਛਗਿੱਛ ਲਈ ਬੀਕਾਨੇਰ ਦੇ ਸੰਯੁਕਤ ਪੁੱਛਗਿੱਛ ਕੇਂਦਰ ਭੇਜਿਆ ਗਿਆ ਹੈ ਅਤੇ ਉਸਦੇ ਪਾਸਪੋਰਟ ਵੇਰਵਿਆਂ ਦੀ ਪੁਸ਼ਟੀ ਕੀਤੀ ਜਾ ਰਹੀ ਹੈ¢ਉਹ ਅੰਤਰਰਾਸ਼ਟਰੀ ਸਰਹੱਦ ਦੇ ਨੇੜੇ ਖਾਜੂਵਾਲਾ ਖੇਤਰ ਦੇ ਹਸਪਤਾਲ ਰੋਡ 'ਤੇ ਸ਼ੱਕੀ ਹਾਲਾਤਾਂ ਵਿੱਚ ਮਿਲਿਆ | ਅਧਿਕਾਰੀਆਂ ਨੇ ਕਿਹਾ ਕਿ ਸਥਾਨਕ ਲੋਕਾਂ ਨੇ ਪੁਲਿਸ ਨੂੰ ਸੁਚੇਤ ਕੀਤਾ, ਕਿਉਂਕਿ ਇਸ ਖੇਤਰ 'ਚ ਵਿਦੇਸ਼ੀ ਨਾਗਰਿਕ ਘੱਟ ਹੀ ਦਿਖਾਈ ਦਿੰਦੇ ਹਨ | ਪੁਲਿਸ ਨੇ ਦੱਸਿਆ ਕਿ ਉਸ ਤੋਂ ਕੋਈ ਸ਼ੱਕੀ ਵਸਤੂ ਬਰਾਮਦ ਨਹੀਂ ਹੋਈ | ਅਧਿਕਾਰੀਆਂ ਨੇ ਕਿਹਾ ਕਿ ਹੋਰ ਜਾਂਚ ਅਜੇ ਜਾਰੀ ਹੈ |
