ਹਾਜੀਪੁਰ, 24 ਜੂਨ (ਜੋਗਿੰਦਰ ਸਿੰਘ)-ਪੰਜਾਬ ਯੂਥ ਕਾਂਗਰਸ ਦੀਆਂ ਹੋਈਆਂ ਚੋਣਾਂ ਦੌਰਾਨ ਰੋਹਿਤ ਕੁਮਾਰ ਨੇ ਬਲਾਕ ਯੂਥ ਕਾਂਗਰਸ ਹਾਜੀਪੁਰ ਦੇ ਪ੍ਰਧਾਨ ਵਜੋਂ ਜਿੱਤ ਪ੍ਰਾਪਤ ਕੀਤੀ ਹੈ। ਇਸ ਮੌਕੇ ਰੋਹਿਤ ਕੁਮਾਰ ਨੇ ਹਲਕਾ ਇੰਚਾਰਜ ਕਾਂਗਰਸ ਤੇ ਸਾਬਕਾ ਵਿਧਾਇਕਾ ਮੁਕੇਰੀਆਂ ਮੈਡਮ ਇੰਦੂ ਬਾਲਾ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਹੈ। ਰੋਹਿਤ ਕੁਮਾਰ ਨੇ ਕਿਹਾ ਕਿ ਜੋ ਵਿਸ਼ਵਾਸ ਸਾਬਕਾ ਵਿਧਾਇਕਾ ਮੈਡਮ ਇੰਦੂ ਬਾਲਾ ਤੇ ਕਾਂਗਰਸ ਪਾਰਟੀ ਨੇ ਉਸ ’ਤੇ ਪ੍ਰਗਟ ਕੀਤਾ ਹੈ ਉਹ ਉਸ ’ਤੇ ਉੱਤਰਨ ਦਾ ਪੂਰਾ ਯਤਨ ਕਰੇਗਾ ਅਤੇ ਹਲਕੇ ’ਚ ਯੂਥ ਕਾਂਗਰਸ ਨੂੰ ਮਜ਼ਬੂਤ ਕਰਨ ’ਚ ਹਰ ਸੰਭਵ ਯਤਨ ਕਰੇਗਾ। ਇਸ ਮੌਕੇ ਬਲਾਕ ਬੀ. ਸੀ. ਸੈੱਲ ਕਾਂਗਰਸ ਰਵਿੰਦਰ ਕੁਮਾਰ, ਸੁਧੀਰ ਠਾਕੁਰ, ਜਟਮਲ, ਰਾਏ ਸਿੰਘ ਆਦਿ ਹਾਜ਼ਰ ਸਨ।
