ਤਾਰਾਗੜ੍ਹ, 31 ਦਸੰਬਰ (ਸੋਹਨ ਲਾਲ)- ਸ੍ਰੀ ਊਸ਼ਾ ਮਾਤਾ ਨਵਦੁਰਗਾ ਝੰਡੇਵਾਲਾ ਮੰਦਰ ਕਥਲੌਰ ਵਿਚ ਭਗਤ ਪ੍ਰੋਸ਼ਤਮ ਸਿੰਘ ਤੇ ਸੇਵਿਕਾ ਨੀਲਮ ਸ਼ਰਮਾ ਦੀ ਅਗਵਾਈ ਹੇਠ ਊਸ਼ਾ ਮਾਤਾ ਜੀ ਦਾ ਜਨਮ ਦਿਵਸ ਮਨਾਇਆ ਜਾ ਰਿਹਾ ਹੈ | ਮੰਦਿਰ ਦੇ ਸੰਚਾਲਕ ਭਗਤ ਪ੍ਰੋਸ਼ਤਮ ਸਿੰਘ ਨੇ ਦੱਸਿਆ ਕਿ ਝੰਡਾ ਦਿਵਸ ਮੌਕੇ 1 ਜਨਵਰੀ ਨੂੰ ਸ੍ਰੀ ਊਸ਼ਾ ਮਾਤਾ ਨਵਦੁਰਗਾ ਝੰਡੇਵਾਲਾ ਮੰਦਿਰ ਵਿਚ ਸਵੇਰੇ 10 ਵਜੇ ਝੰਡਾ ਪੂਜਨ, 11 ਵਜੇ ਹਵਨ ਯੱਗ ਕਰਵਾਇਆ ਜਾਵੇਗਾ ਜਿਸ ਵਿਚ ਸਾਰੇ ਸ਼ਰਧਾਲੂਆਂ ਵਲੋਂ ਅਹੂਤੀਆਂ ਪਾਈਆਂ ਜਾਣਗੀਆਂ | ਦੁਪਹਿਰ 12 ਵਜੇ ਸਤਿਸੰਗ ਤੇ 1 ਤੋਂ 2 ਵਜੇ ਤੱਕ ਸਾਂਝੀ ਆਰਤੀ ਕੀਤੀ ਜਾਵੇਗੀ | ਸਤਿਸੰਗ ਦਾ ਉਚਾਰਨ ਨੀਲਮ ਸ਼ਰਮਾ ਭਜਨ ਮੰਡਲੀ ਵਲੋਂ ਕੀਤਾ ਜਾਵੇਗਾ | ਇਸ ਤੋਂ ਬਾਅਦ ਅਤੁੱਟ ਭੰਡਾਰਾ ਵਰਤਾਇਆ ਜਾਵੇਗਾ |
