ਚੰਡੀਗੜ੍ਹ, 10 ਅਪ੍ਰੈਲ (ਅਜਾਇਬ ਸਿੰਘ ਔਜਲਾ)-ਚੰਡੀਗੜ੍ਹ ਦੀ 42 ਸਾਲਾ ਨੌਜਵਾਨ ਘਰੇਲੂ ਅÏਰਤ ਨੀਲੂ ਸੁਆਲ ਨੇ ਆਪਣੇ ਸੁਪਨਿਆਂ ਨੂੰ ਨਵੀਂ ਪਛਾਣ ਦੇ ਕੇ ਇਕ ਵੱਡਾ ਮੀਲ ਪੱਥਰ ਹਾਸਿਲ ਕੀਤਾ ਹੈ | ਉਸ ਨੇ ਨਵੀਂ ਦਿੱਲੀ ਵਿਚ ਵੱਕਾਰੀ ਰਾਸ਼ਟਰੀ ਪੱਧਰ ਦੇ ਮੁਕਾਬਲੇ, ਵੀ. ਜੀ. ਮਿਸਿਜ਼ ਇੰਡੀਆ ਗਲੋਬਲ ਆਈਕਨ ਸੀਜ਼ਨ-7 'ਚ ਹਿੱਸਾ ਲਿਆ ਤੇ 'ਚੰਡੀਗੜ੍ਹ ਕੁਇਨ' ਦਾ ਖਿਤਾਬ ਜਿੱਤਿਆ | ਇਸ ਤੋਂ ਇਲਾਵਾ, ਜਿਊਰੀ ਦੇ ਸਵਾਲਾਂ ਦੇ ਦਲੇਰੀ ਤੇ ਨਿਡਰਤਾ ਨਾਲ ਜਵਾਬ ਦੇ ਕੇ, ਉਸ ਨੇ ਇਕ ਹੋਰ ਖਿਤਾਬ, ਵੀ.ਜੀ ਗਲੋਬਲ ਆਈਕਨ 'ਮਿਸ ਫੀਅਰਲੈੱਸ ਫਲੇਮ' ਵੀ ਜਿੱਤਿਆ | ਇਸ ਪ੍ਰਾਪਤੀ ਨੇ ਨਾ ਸਿਰਫ਼ ਉਸਦੇ ਪਰਿਵਾਰ ਲਈ ਸਗੋਂ ਪੂਰੇ ਸ਼ਹਿਰ ਲਈ ਮਾਣ ਵਧਾਇਆ ਹੈ | ਇਸੇ ਦੌਰਾਨ ਨੀਲੂ ਨੇ ਕਿਹਾ ਕਿ ਉਹ 'ਚੰਡੀਗੜ੍ਹ ਕੁਇਨ' ਅਤੇ 'ਮਿਸਜ ਫੀਅਰਲੈੱਸ ਫਲੇਮ' ਦੋਵੇਂ ਖਿਤਾਬ ਜਿੱਤਣ 'ਤੇ ਉਹ ਬਹੁਤ ਖੁਸ਼ ਹੈ | ਉਨ੍ਹਾਂ ਕਿਹਾ ਕਿ ਉਸ ਨੂੰ ਆਪਣੇ ਪਰਿਵਾਰ ਨੇ ਵੀ ਇਸ ਮੁਕਾਬਲੇ ਵਿਚ ਹਿੱਸਾ ਲੈਣ ਲਈ ਉਤਸ਼ਾਹਿਤ ਅਤੇ ਪ੍ਰੇਰਿਤ ਕੀਤਾ | ਉਸ ਨੇ ਪ੍ਰਬੰਧਕਾਂ ਅਤੇ ਜਿਊਰੀ ਦਾ ਵੀ ਧੰਨਵਾਦ ਕੀਤਾ ਕਿ ਉਸ ਨੇ ਉਸ ਨੂੰ ਇਨ੍ਹਾਂ ਖਿਤਾਬਾਂ ਦੇ ਯੋਗ ਮੰਨਿਆ | ਨੀਲੂ ਸੂਆਲ ਨੇ ਦੱਸਿਆ ਕਿ ਦੇਸ਼ ਦੇ 49ਵੇਂ ਲਗਪਗ ਹਰ ਹਿੱਸੇ ਤੋਂ ਭਾਗੀਦਾਰਾਂ ਨੇ ਇਸ ਮੁਕਾਬਲੇ 'ਚ ਹਿੱਸਾ ਲਿਆ | ਵੱਖ-ਵੱਖ ਰਾਉਂਡ ਵਿਚ ਮੁਕਾਬਲਾ ਕਰਦਿਆਂ, ਉਸਨੇ ਆਪਣੀ ਯੋਗਤਾ ਨਾਲ ਸਾਰੇ ਪੜਾਵਾਂ ਨੂੰ ਪਾਰ ਕੀਤਾ ਅਤੇ ਫਾਈਨਲ ਵਿਚ ਸਥਾਨ ਪ੍ਰਾਪਤ ਕੀਤਾ | ਫਾਈਨਲ 'ਚ ਉਸ ਨੇ ਜਿਊਰੀ ਦੁਆਰਾ ਪੁੱਛੇ ਗਏ ਸਾਰੇ ਸਵਾਲਾਂ ਦੇ ਜਵਾਬ ਬਹੁਤ ਸਪੱਸ਼ਟਤਾ ਤੇ ਨਿਡਰਤਾ ਨਾਲ ਦਿੱਤੇ, ਜਿਸ ਕਾਰਨ ਉਸਨੇ ਖਿਤਾਬ ਹਾਸਿਲ ਹੋਇਆ | ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਖਿਤਾਬਾਂ ਨਾਲ ਸਨਮਾਨਿਤ ਹੋਣ ਦਾ ਪਲ ਇਕ ਡੂੰਘਾ ਭਾਵਨਾਤਮਕ ਸੀ ਤੇ ਉਹ ਉਸ ਖੁਸ਼ੀ ਨੂੰ ਬਿਆਨ ਨਹੀਂ ਕਰ ਸਕਦੀ, ਜੋ ਉਸਨੇ ਮਹਿਸੂਸ ਕੀਤੀ | ਨੀਲੂ ਨੇ ਇਕ ਸਵਾਲ ਦੇ ਜਵਾਬ 'ਚ ਦੱਸਿਆ ਕਿ ਮਾਡਲਿੰਗ ਤੇ ਸੁੰਦਰਤਾ ਮੁਕਾਬਲਿਆਂ 'ਚ ਹਿੱਸਾ ਲੈਣਾ ਉਸ ਦਾ ਬਚਪਨ ਦਾ ਜਨੂੰਨ ਰਿਹਾ ਹੈ | ਬਚਪਨ ਤੋਂ ਹੀ ਉਸ ਨੂੰ ਸੰਗੀਤ ਅਤੇ ਕਲਾ ਪ੍ਰਤੀ ਇਕ ਵਿਸ਼ੇਸ਼ ਜਨੂੰਨ ਰਿਹਾ ਹੈ | ਹਾਲਾਂਕਿ, ਕੁਝ ਰੁਕਾਵਟਾਂ ਦੇ ਕਾਰਨ, ਉਹ ਆਪਣੀ ਜਵਾਨੀ 'ਚ ਇਸ ਨੂੰ ਅੱਗੇ ਨਹੀਂ ਵਧਾ ਸਕੀ | ਹਾਲਾਂਕਿ, ਵਿਆਹ ਤੋਂ ਬਾਅਦ, ਪਰਿਵਾਰਕ ਜ਼ਿੰਮੇਵਾਰੀਆਂ ਦੇ ਬਾਵਜੂਦ, ਉਸਨੇ ਕਦੇ ਵੀ ਇਸ ਸ਼ੌਕ ਨੂੰ ਨਹੀਂ ਛੱਡਿਆ | ਉਸਦੇ ਪਰਿਵਾਰ ਦੇ ਹੌਸਲੇ ਨੇ ਉਸਦਾ ਆਤਮਵਿਸ਼ਵਾਸ ਵਧਾਇਆ | ਹੌਲੀ-ਹੌਲੀ, ਉਸਨੇ ਆਪਣੇ ਹੁਨਰ ਨੂੰ ਨਿਖਾਰਿਆ ਅਤੇ ਸਟੇਜ ਵੱਲ ਵਧੀ ਅਤੇ ਇਹ ਯਾਤਰਾ ਇਕ ਪ੍ਰੇਰਨਾਦਾਇਕ ਕਹਾਣੀ ਬਣ ਗਈ ਹੈ |
