ਸ੍ਰੀ ਮੁਕਤਸਰ ਸਾਹਿਬ, 13 ਜੂਨ (ਹਰਮਹਿੰਦਰ ਪਾਲ)-ਇੱਥੋਂ ਦੇ ਮੁੱਖ ਬੱਸ ਅੱਡੇ ਦੇ ਨਜ਼ਦੀਕ ਅਬੋਹਰ ਰੋਡ ਉਪਰ ਪਾਣੀ ਵਾਲੀ ਟੈਂਕੀ ਦੇ ਕੋਲ ਇਕ ਟਰਾਂਸਫ਼ਾਰਮਰ ਲੱਗਿਆ ਹੈ, ਜਿਸ ਦਾ ਇਕ ਖੰਭਾ ਦੋ ਥਾਵਾਂ ਤੋਂ ਟੁੱਟਿਆ ਹੋਇਆ ਹੈ | ਇਸ ਬਿਨਾਂ ਟਰਾਂਸਫ਼ਾਰਮਰ ਦੇ ਦੋਵੇਂ ਖੰਭਿਆਂ ਨੂੰ ਕੋਈ ਖਿੱਚ ਨਹੀਂ ਲੱਗੀ | ਇਸ ਕਰਕੇ ਖੰਭਾ ਉਪਰੋਂ ਕਰੀਬ ਚਾਰ ਫ਼ੁੱਟ ਸੜਕ ਵੱਲ ਝੁੱਕਿਆ ਹੈ | ਇਸ ਕਰਕੇ ਇਹ ਕਿਸੇ ਸਮੇਂ ਵੀ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦਾ ਹੈ | ਸਥਾਨਕ ਵਾਸੀ ਗੁਰਮੀਤ ਸਿੰਘ, ਰਾਜਪਾਲ ਸਿੰਘ ਹੋਰਾਂ ਨੇ ਦੱਸਿਆ ਕਿ ਇਹ ਟਰਾਂਸਫ਼ਾਰਮਰ ਹਨੇ੍ਹਰੀ ਵਿਚ ਝੂਲਦਾ ਰਹਿੰਦਾ ਹੈ | ਸੜਕ ਉਪਰੋਂ ਹੈਵੀ ਵਾਹਨ ਲੰਘਦੇ ਹਨ ਤਾਂ ਵੀ ਟਰਾਂਸਫ਼ਾਰਮਰ ਹਿੱਲਦਾ ਹੈ | ਕਿਉਂਕਿ ਇਸ ਦਾ ਖੰਭਾ ਦੋ ਥਾਵਾਂ ਤੋਂ ਟੁੱਟਿਆ ਹੋਇਆ ਹੈ ਅਤੇ ਸੜਕ ਵੱਲ ਝੁੱਕਿਆ ਹੋਇਆ ਹੈ | ਪਿਛਲੇ ਦਿਨੀਂ ਆਈ ਤੇਜ਼ ਹਨੇ੍ਹਰੀ 'ਚ ਇਸ ਟਰਾਂਸਫ਼ਾਰਮਰ ਦੇ ਡਿੱਗਣ ਦਾ ਭਾਰੀ ਖ਼ਤਰਾ ਪੈਦਾ ਹੋ ਗਿਆ ਸੀ | ਹਰ ਵੇਲੇ ਖੰਭਾ ਡਿੱਗਣ ਦਾ ਡਰ ਲੱਗਿਆ ਰਹਿੰਦਾ ਹੈ | ਲੋਕਾਂ ਦੀ ਮੰਗ ਹੈ ਕਿ ਇਸ ਟਰਾਂਸਫ਼ਾਰਮਰ ਦੇ ਖੰਭੇ ਜਲਦੀ ਬਦਲੇ ਜਾਣ |
