ਨੈਸ਼ਨਲ ਡੈਂਟਲ ਕਮਿਸ਼ਨ ਵਲੋਂ ਬੀ.ਡੀ.ਐਸ. ’ਚ ਦਾਖਲੇ ਦੀਆਂ ਸ਼ਰਤਾਂ ਸਖ਼ਤ
ਫ਼ਰੀਦਕੋਟ, 15 ਸਤੰਬਰ (ਜਸਵੰਤ ਸਿੰਘ ਪੁਰਬਾ)-ਨੈਸ਼ਨਲ ਡੈਂਟਲ ਕਮਿਸ਼ਨ ਨੇ ਬੀ. ਡੀ.
ਫ਼ਰੀਦਕੋਟ, 15 ਸਤੰਬਰ (ਜਸਵੰਤ ਸਿੰਘ ਪੁਰਬਾ)-ਨੈਸ਼ਨਲ ਡੈਂਟਲ ਕਮਿਸ਼ਨ ਨੇ ਬੀ.ਡੀ.ਐਸ. ਦਾਖਲੇ ਲਈ ਨੀਟ ਦੇ ਰੈਂਕ ਨਾਲ ਬਾਰ੍ਹਵੀਂ ਦੇ ਮੈਡੀਕਲ ਵਿਸ਼ਿਆਂ ਦੀ ਪ੍ਰਤੀਸ਼ਤ ਨੂੰ ਵਿਸ਼ੇਸ਼ ਅਹਿਮੀਅਤ ਦਿੰਦਿਆਂ ਦਾਖਲੇ ਦੀਆਂ ਸ਼ਰਤਾਂ ਸਖਤ ਕਰ ਦਿੱਤੀਆਂ ਹਨ। ਨੈਸ਼ਨਲ ਡੈਂਟਲ ਕਮਿਸ਼ਨ ਦੀਆਂ ਸ਼ਰਤਾਂ ਅਨੁਸਾਰ ਬਾਬਾ ਫ਼ਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਜ਼ ਫ਼ਰੀਦਕੋਟ ਨੇ ਪੰਜਾਬ ਦੇ ਸਰਕਾਰੀ ਤੇ ਗੈਰ ਸਰਕਾਰੀ ਕਾਲਜਾਂ ’ਚ ਬੀ.ਡੀ.ਐਸ. ਦਾਖਲਿਆਂ ਦੀਆਂ ਸ਼ਰਤਾਂ ਨੂੰ ਸਪਸ਼ਟ ਕਰਦਿਆਂ ਕਿਹਾ ਕਿ ਬੀ.ਡੀ.ਐਸ. ਦਾਖਲੇ ਲਈ ਕੇਵਲ ਨੀਟ ਦੇ ਅੰਕਾਂ ਦੇ ਨਾਲ ਬਾਰ੍ਹਵੀਂ ਜਮਾਤ ਦੇ ਪੰਜ ਵਿਸ਼ਿਆਂ ਕੈਮਿਸਟਰੀ, ਫ਼ਿਜ਼ੀਕਸ, ਬਾਇਓਲੋਜੀ, ਬਾਇਓਲੋਜੀ ਟੈਕਨਾਲੌਜੀ ਅਤੇ ਅੰਗਰੇਜੀ-ਦੇ ਅੰਕਾਂ ਦਾ ਵੀ ਮਹੱਤਵ ਹੋਵੇਗਾ। ਯੂਨੀਵਰਸਿਟੀ ਨੇ ਬਾਰ੍ਹਵੀਂ ਦੇ ਅੰਕਾਂ ਸੰਬੰਧੀ ਵਿਸਥਾਰ ਨਾਲ ਦੱਸਿਆ ਕਿ ਜਨਰਲ ਕੈਟਾਗਰੀ ਦੇ ਉਮੀਦਵਾਰਾਂ ਲਈ ਉਪਰੋਕਤ ਵਿਸ਼ਿਆਂ ਵਿਚ 50 ਫ਼ੀਸਦ ਅੰਕ ਜ਼ਰੂਰੀ ਹਨ। ਐਸ.ਸੀ.ਤੇ ਐਸ.ਟੀ ਉਮੀਦਵਾਰਾਂ ਲਈ 40 ਫ਼ੀਸਦ ਤੇ ਬੈਕਵਰਡ ਦੇ ਉਮੀਦਵਾਰਾਂ ਲਈ 45 ਫ਼ੀਸਦ ਹਰ ਵਿਸ਼ੇ ’ਚੋਂ ਹੋਣੇ ਜ਼ਰੂਰੀ ਹਨ । ਇਹ ਸ਼ਰਤਾਂ ਕੌਮੀ ਡੈਂਟਲ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਪੂਰੀਆਂ ਹੋਣੀਆਂ ਜ਼ਰੂਰੀ ਹਨ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
