ਗਰਮੀ ਤੋਂ ਰਾਹਤ ਲਈ ਬਣਾਓ ਸ਼ਰਬਤ

ਨਿੰਬੂ ਪਾਣੀ
ਤਾਜ਼ੇ ਤੇ ਵਧੇਰੇ ਰਸੀਲੇ ਨਿੰਬੂਆਂ ਦੀ ਵਰਤੋਂ ਕਰੋ, ਜੋ ਇਸ ਤਾਜ਼ਗੀ ਭਰੇ ਪੀਣ ਵਾਲੇ ਪਦਾਰਥ ਦੀ ਜਿੰਦਜਾਨ ਹੈ। ਪੁਦੀਨੇ ਦੇ ਤਾਜ਼ੇ ਹਰੇ ਚਮਕਦਾਰ ਪੱਤੇ ਚੁਣੋ, ਜੋ ਨਿੰਬੂ ਪਾਣੀ ਦੀ ਖੁਸ਼ਬੂ ਤੇ ਠੰਢਕ ਦੇ ਪ੍ਰਭਾਵ ਨੂੰ ਵਧਾਉਂਦੇ ਹਨ। ਦਾਣੇਦਾਰ ਖੰਡ ਸਭ ਤੋਂ ਵਧੀਆ ਕੰਮ ਕਰਦੀ ਹੈ, ਆਪਣੀ ਮਰਜ਼ੀ ਦੀ ਮਿਠਾਸ ਅਨੁਸਾਰ ਇਸ ਦੀ ਵਰਤੋਂ ਕਰੋ। ਨਿੰਬੂ ਪਾਣੀ ਲਈ ਆਈਸ ਕਿਊਬ ਜ਼ਰੂਰੀ ਹਨ, ਜੋ ਤੁਹਾਡੇ ਨਿੰਬੂ ਪਾਣੀ ਦੀ ਤਾਜ਼ਗੀ, ਠੰਢਕ ਤੇ ਸੁਆਦ ਨੂੰ ਵਧਾਉਂਦੇ ਹਨ। ਇਸ ਸੁਆਦੀ ਨਿੰਬੂ ਪਾਣੀ ਨੂੰ ਤਿਆਰ ਕਰਨ ਲਈ ਇਨ੍ਹਾਂ ਗੱਲਾਂ ਦੀ ਪਾਲਣਾ ਕਰੋ
1. ਰਸ ਭਰੇ 4 ਦਰਮਿਆਨੇ ਆਕਾਰ ਦੇ ਨਿੰਬੂਆਂ ਨੂੰ ਚੰਗੀ ਤਰ੍ਹਾਂ ਨਿਚੋੜ ਕੇ ਲਗਭਗ ਇਕ ਕੱਪ ਨਿੰਬੂ ਰਸ ਲੈ ਲਓ। ਨਿੰਬੂ ਦੀ ਹਰ ਆਖਰੀ ਬੂੰਦ ਪ੍ਰਾਪਤ ਕਰਨ ਲਈ ਨਿੰਬੂਆਂ ਨੂੰ ਨਿੰਬੂ ਨਿਚੋੜਣੀ ਨਾਲ ਚੰਗੀ ਤਰ੍ਹਾਂ ਨਿਚੋੜੋ।
2. ਇਸ ਨਿੰਬੂ ਰਸ ਨੂੰ ਇਕ ਮਿਕਸਿੰਗ ਕੌਲੇ ਵਿਚ ਪਾ ਕੇ ਇਸ 'ਚ ਅੱਧਾ ਕੱਪ ਦਾਣੇਦਾਰ ਖੰਡ ਮਿਲਾ ਕੇ ਇਸ ਨੂੰ ਚੰਗੀ ਤਰ੍ਹਾਂ ਹਿਲਾਓ ਜਦੋਂ ਤੱਕ ਸਾਰੀ ਖੰਡ ਘੁਲ ਨਾ ਜਾਵੇ।
3. ਇਸ 'ਚ ਪੁਦੀਨੇ ਦਾ ਮੈਜਿਕ ਸ਼ਾਮਿਲ ਕਰਨ ਲਈ ਲਗਭਗ 10 ਪੁਦੀਨੇ ਦੇ ਪੱਤਿਆਂ ਨੂੰ ਕੱਟ ਕੇ ਆਪਣੇ ਨਿੰਬੂ-ਖੰਡ ਦੇ ਮਿਸ਼ਰਣ 'ਚ ਪਾ ਕੇ ਇਸ ਨੂੰ ਲਗਭਗ 5 ਮਿੰਟ ਲਈ ਬੈਠਣ ਦਿਓ ਤਾਂ ਜੋ ਪੁਦੀਨੇ ਦਾ ਸੁਆਦ ਤੁਹਾਡੇ ਨਿੰਬੂ ਪਾਣੀ ਵਿਚ ਚੰਗੀ ਤਰ੍ਹਾਂ ਸ਼ਾਮਿਲ ਹੋ ਸਕੇ।
4. ਇਸ ਨਿੰਬੂ-ਪੁਦੀਨੇ ਦੇੇ ਮਿਸ਼ਰਣ 'ਚ ਦੋ ਕੱਪ ਠੰਢੇ ਪਾਣੀ ਦੇ ਪਾ ਕੇ ਇਸ ਨੂੰ ਧਿਆਨ ਨਾਲ ਹੌਲੀ-ਹੌਲੀ ਹਿਲਾਉਂਦੇ ਰਹੋ, ਜਦੋਂ ਤੱਕ ਇਹ ਚੰਗੀ ਤਰ੍ਹਾਂ ਘੁਲ ਕੇ ਪੀਣ ਯੋਗ ਨਾ ਹੋ ਜਾਵੇ!
5. ਇਸ ਨਿੰਬੂ ਰਸ ਨੂੰ ਗਿਲਾਸਾਂ 'ਚ ਪਾ ਕੇ ਇਨ੍ਹਾਂ 'ਚ ਬਰਫ਼ ਦੇ ਟੁਕੜੇ ਪਾ ਕੇ ਇਨ੍ਹਾਂ ਨੂੰ ਹੋਰ ਸੁਆਦੀ ਮਿੰਟੀ ਲੈਮਨੇਡ ਫਿਜ਼ ਪਾਓ!
6. ਇਸ ਡਰਿੰਕ ਨੂੰ ਸਟਾਈਲ ਨਾਲ ਸਜਾਉਣ ਲਈ ਹਰੇਕ ਗਿਲਾਸ 'ਚ ਤਾਜ਼ੇ ਪੁਦੀਨੇ ਦੀ ਇਕ ਵਾਧੂ ਟਹਿਣੀ ਨਾਲ ਸਜਾਓ! ਇਸ ਨੂੰ ਪਰੋਸੋ ਤੇ ਸੁਆਦ ਭਰੇ ਨਿੰਬੂ ਪਾਣੀ ਦੇ ਘੁੱਟ ਭਰੋ।
ਜਾਮਣ ਸ਼ਰਬਤ
ਸਮੱਗਰੀ : 250 ਗ੍ਰਾਮ ਜਾਮਣ (ਜਾਵਾ ਆਲੂਬੁਖਾਰੇ), 3-4 ਚਮਚ ਖੰਡ ਜਾਂ ਸ਼ਹਿਦ, 1/2 ਚਮਚ ਕਾਲਾ ਨਮਕ, 1/2 ਚਮਚ ਭੁੰਨਿਆ ਹੋਇਆ ਜੀਰਾ ਪਾਊਡਰ, 1 ਚਮਚ ਨਿੰਬੂ ਦਾ ਰਸ, 3-4 ਗਲਾਸ ਠੰਢਾ ਪਾਣੀ, ਬਰਫ਼ ਦੇ ਟੁਕੜੇ, ਪੁਦੀਨੇ ਦੇ ਪੱਤੇ ਲਓ।
ਵਿਧੀ : ਪਹਿਲਾਂ ਜਾਮਣਾਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਇਸ ਦੇ ਗਿਟਕ ਕੱਢ ਲਓ। ਫਿਰ ਜਾਮਣ ਦੇ ਗੁੱਦੇ ਨੂੰ ਖੰਡ ਤੇ ਥੋੜ੍ਹਾ ਜਿਹਾ ਪਾਣੀ ਮਿਕਸ ਕਰਕੇ ਇਸ ਦਾ ਪੇਸਟ ਬਣਾਓ। ਇਸ ਤੋਂ ਬਾਅਦ ਇਸ ਰੇਸ਼ੇਦਾਰ ਗੁੱਦੇ ਦੇ ਮਿਸ਼ਰਣ ਨੂੰ ਵੱਖ ਕਰਨ ਲਈ ਇਸ ਨੂੰ ਚੰਗੀ ਤਰ੍ਹਾਂ ਛਾਣ ਲਓ। ਇਸ ਤਰਲ ਮਿਸ਼ਰਣ ਵਿਚ ਠੰਢਾ ਪਾਣੀ, ਕਾਲਾ ਨਮਕ, ਭੁੰਨਿਆ ਹੋਇਆ ਜੀਰਾ ਪਾਊਡਰ ਤੇ ਨਿੰਬੂ ਦਾ ਰਸ ਪਾ ਕੇ ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਜਾਮਣ ਸ਼ਰਬਤ ਤਿਆਰ ਹੈ।
ਹੁਣ ਇਸ ਸ਼ਰਬਤ ਨੂੰ ਗਿਲਾਸਾਂ 'ਚ ਪਾ ਕੇ ਬਰਫ਼ ਦੇ ਟੁਕੜੇ ਤੇ ਪੁਦੀਨੇ ਦੇ ਪੱਤਿਆਂ ਨਾਲ ਸਜਾ ਕੇ ਪਰੋਸੋ।