ਕੁਲਦੀਪ ਸਿੰਘ ਚੇਤਨਪੁਰੀ
ਕਾਲੀ ਕੋਇਲ, ਕਾਲੀ ਕੋਇਲ।
ਮਿਸਰੀ ਵਰਗੇ ਤੇਰੇ ਬੋਲ।
ਆਪਣੀ ਰੁੱਤੇ ਆਵੇਂ ਤੂੰ।
ਮਿੱਠੀ ਹੂਕ ਸੁਣਾਵੇਂ ਤੂੰ।
ਕੰਨਾਂ ਵਿਚ ਰਸ ਦੇਵੇਂ ਘੋਲ।
ਕਾਲੀ ਕੋਇਲ, ਕਾਲੀ ਕੋਇਲ।
ਮਿਸਰੀ ਵਰਗੇ ਤੇਰੇ ਬੋਲ।
ਭਾਵੇਂ ਤੇਰਾ ਰੰਗ ਹੈ ਕਾਲਾ।
ਅੱਖੀਆਂ ਦੇ ਤਾਈਂ, ਤੱਕਣ ਵਾਲਾ।
ਜੀਅ ਕਰੇ ਤੂੰ ਆਵੇਂ ਸਾਡੇ ਕੋਲ।
ਕਾਲੀ ਕੋਇਲ, ਕਾਲੀ ਕੋਇਲ।
ਮਿਸਰੀ ਵਰਗੇ ਤੇਰੇ ਬੋਲ।
ਕੂ ਕੂ ਦਾ ਜਦੋਂ ਰਾਗ ਅਲਾਪੇ।
ਅੰਬਰੋਂ ਉੱਤਰੀ ਕੋਈ ਸੂਰਤ ਜਾਪੇ।
ਸਾਨੀ ਨਹੀਂ ਕੋਈ ਤੇਰਾ ਹੋਰ।
ਕਾਲੀ ਕੋਇਲ ਕਾਲੀ ਕੋਇਲ।
ਮਿਸਰੀ ਵਰਗੇ ਤੇਰੇ ਬੋਲ।
ਸੁਬ੍ਹਾ ਸਵੇਰੇ ਜਦੋਂ ਬੋਲਦੀ।
ਕੰਨਾਂ ਦੇ ਕਪਾਟ ਖੋਲ੍ਹਦੀ।
ਕਿੰਨੀ ਤੇਰੀ ਸੁਰ ਅਨਮੋਲ।
ਕਾਲੀ ਕੋਇਲ ਕਾਲੀ ਕੋਇਲ।
ਮਿਸਰੀ ਵਰਗੇ ਤੇਰੇ ਬੋਲ।
-ਪਿੰਡ ਤੇ ਡਾਕ: ਚੇਤਨਪੁਰਾ, ਜ਼ਿਲ੍ਹਾ ਅੰਮ੍ਰਿਤਸਰ।
