ਚੁਟਕਲੇ

* ਇਕ ਵਾਰ ਇਕ ਮੂਰਖ ਮੇਲਾ ਦੇਖਣ ਗਿਆ, ਜਿਥੇ ਰਾਤ ਨੂੰ ਉਸ ਦਾ ਕੰਬਲ ਚੋਰੀ ਹੋ ਗਿਆ। ਜਦੋਂ ਮੂਰਖ ਵਾਪਸ ਘਰ ਆਇਆ ਤਾਂ ਉਸ ਦੇ ਦੋਸਤ ਨੇ ਪੁੱਛਿਆ, ਕਿਵੇਂ ਰਿਹਾ ਮੇਲਾ?
ਮੂਰਖ ਬੋਲਿਆ, 'ਮੇਲਾ-ਵੇਲਾ ਕੁਝ ਨਹੀਂ ਸੀ, ਉਥੇ ਤਾਂ ਲੋਕ ਮੇਰਾ ਕੰਬਲ ਚੁੱਕਣ ਲਈ ਇਕੱਠੇ ਹੋਏ ਸਨ ਭਰਾਵਾ।'
* ਵਕੀਲ (ਜੱਜ ਨੂੰ)-ਸਰ ਇਸ ਔਰਤ ਨੇ ਦੋ ਵਾਰ ਆਤਮ-ਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ।
ਜੱਜ-ਵਕੀਲ ਸਾਹਬ, ਆਖਰ ਕੀ ਵਜ੍ਹਾ ਸੀ?
ਵਕੀਲ-ਸਰ ਇਕ ਵਾਰ ਇਸ ਨੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਉਸ ਵੇਲੇ ਕੀਤੀ ਜਦੋਂ ਇਸ ਦਾ ਪਤੀ ਇਸ ਨੂੰ ਛੱਡ ਗਿਆ ਸੀ ਅਤੇ ਦੂਜੀ ਵਾਰ ਜਦੋਂ ਉਹ ਘਰ ਵਾਪਸ ਆ ਗਿਆ।
* ਇਕ ਚੋਰ ਦੌੜਦਾ ਹੋਇਆ ਠਾਹ ਕਰਕੇ ਸੜਕ 'ਤੇ ਖੜ੍ਹੇ ਸਿਪਾਹੀ ਵਿਚ ਜਾ ਵੱਜਿਆ।
ਸਿਪਾਹੀ-ਓਏ ਕੌਣ ਹੈਂ ਤੂੰ?
ਚੋਰ (ਘਬਰਾ ਕੇ)-ਜੀ ਚੋਰ।
ਸਿਪਾਹੀ (ਹੱਸ ਕੇ)-ਜਾ ਭਾਈ ਜਾਹ, ਪੁਲਿਸ ਨਾਲ ਮਜ਼ਾਕ ਕਰਦੈਂ।
* ਅਧਿਆਪਕ (ਰਾਜੂ ਨੂੰ)-ਮੈਂ ਤੈਨੂੰ ਅਜਿਹਾ ਸਬਕ ਸਿਖਾਵਾਂਗਾ ਕਿ ਛਟੀ ਦਾ ਦੁੱਧ ਯਾਦ ਆ ਜਾਵੇਗਾ।
ਰਾਜੂ-ਪਰ ਸਰ, ਮੈਂ ਤਾਂ ਅਜੇ ਪੰਜਵੀਂ ਵਿਚ ਪੜ੍ਹ ਰਿਹਾ ਹਾਂ।

-ਗਿੱਦੜਬਾਹਾ।
ਮੋਬਾਈਲ : 98140-97917