ਫਿਲੌਰ, 4 ਜੁਲਾਈ (ਵਿਪਨ ਗੈਰੀ)-ਪੰਜਾਬ ਕਾਂਗਰਸ ਦੇ ਜਨਰਲ ਸਕੱਤਰ ਪ੍ਰਿਥੀਪਾਲ ਸਿੰਘ ਖਹਿਰਾ ਤੇ ਵਿਧਾਨ ਸਭਾ ਹਲਕਾ ਫਿਲੌਰ ਤੋਂ ਦਲਿਤ ਆਗੂ ਅਮ੍ਰਿਤਪਾਲ ਭੌਂਸਲੇ ਨੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨਾਲ ਕੀਤੀ ਮੁਲਾਕਾਤ ਮਗਰੋਂ ਸਾਝੇ ਤੌਰ ’ਤੇ ਗੱਲਬਾਤ ਦੌਰਾਨ ਦੱਸਿਆ ਕਿ ਕਾਂਗਰਸ ਰਾਜਨੀਤਿਕ ਪਾਰਟੀ ਦੇ ਨਾਲ-ਨਾਲ ਲੋਕਤੰਤਰ ਦੀ ਤਾਕਤ ਸਵਿੰਧਾਨ ਦੀ ਸਖੀ ਤੇ ਸੇਵਾ ਤਿਆਗ ਅਤੇ ਆਤਮ ਸਮਰਪਣ ਦੀ ਪ੍ਰਤੀਕ ਹੈ। ਇਹ ਉਹ ਸੰਗਠਨ ਹੈ ਜੋ ਦੇਸ਼ ਦੀ ਆਜ਼ਾਦੀ ਸਮਾਜਿਕ ਨਿਆਂ ਭਾਈਚਾਰਾ ਤੇ ਰਾਸ਼ਟਰੀ ਏਕਤਾ ਦੀ ਅਲੰਬੜਦਾਰ ਰਹੀ ਹੈ। ਅੱਜ ਕਾਂਗਰਸ ਪਾਰਟੀ ਦਾ ਹਰ ਵਰਕਰ ਸੰਗਠਨ ਨੂੰ ਪਹਿਲਾਂ ਨਾਲੋ ਮਜ਼ਬੂਤ ਦੇਖਣਾ ਚਾਹੁੰਦਾ ਹੈ ਪਾਰਟੀ ਦੀ ਅਸਲ ਤਾਕਤ ਨਿਸ਼ਠਾਵਾਨ ਕਾਰਕੁਨ ਹਨ ਕਿਸੇ ਇਕ ਵਿਆਕਤੀ ਦਾ ਅਹੁਦਾ ਜਾਂ ਪ੍ਰਭਾਤ ਨਹੀਂ ਕਬੂਲਣਾ ਚਾਹੀਦਾ ਅਤੇ ਹਰ ਲੀਡਰ ਨੂੰ ਅਨੁਸ਼ਾਸ਼ਨ ਵਿਚ ਰਹਿੰਦੇ ਹੋਏ ਨਿੱਜੀ ਮਹੱਤਵਤਾ ਨੂੰ ਤਿਆਗ ਕੇ ਆਪਣੇ ਆਪ ਨੂੰ ਸੰਗਠਨ ਤੋ ਉੱਪਰ ਨਹੀਂ ਸਮਝਣਾ ਚਾਹੀਦਾ। ਕਿਸੇ ਵੀ ਲੀਡਰ ਨੂੰ ਆਪਣੇ ਨਿੱਜੀ ਸਵਰਥ ਲਈ ਪਾਰਟੀ ਦਾ ਨੁਕਸਾਨ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਪਾਰਟੀ ਹੀ ਲੀਡਰ ਬਣਾਉਂਦੀ ਹੈ ਨਾ ਕਿ ਲੀਡਰ ਪਾਰਟੀ ਨੂੰ ਬਣਾਉਦੇ ਹਨ। ਆਗੂਆਂ ਨੇ ਪਾਰਟੀ ਹਾਈਕਮਾਨ ਨੂੰ ਪੁਰਜ਼ੋਰ ਅਪੀਲ ਕਰਦਿਆ ਕਿਹਾ ਕਿ ਅਨੁਸ਼ਾਸਨ ਹੀਨਤਾ ਨੂੰ ਕਿਸੇ ਵੀ ਕੀਮਤ ’ਤੇ ਸਹਿਣ ਨਾ ਕੀਤਾ ਜਾਵੇ ਅਤੇ ਪਾਰਟੀ ਦੀ ਮਜ਼ਬੂਤੀ ਲਈ ਲਏ ਫੈਸਲੇ ਸਵਿਕਾਰ ਕਰਨੇ ਚਾਹੀਦੇ ਹਨ।
