ਆਓ ਗਿਆਨ ਦੇ ਦੀਪ ਜਗਾਈਏ,
ਰੌਸ਼ਨ ਬੁੱਧ ਬਾਲ ਹੋ ਜਾਈਏ,
ਕਰਨਾ ਸਭ ਨੂੰ ਪਿਆਰ ਸਿਖਾਈਏ,
ਮਨ ਦੇ ਨ੍ਹੇਰੇ ਦੂਰ ਭਜਾਈਏ,
ਦੀਵਾ ਬਲੇ ਹਨ੍ਹੇਰਾ ਜਾਵੇ,
ਚਾਨਣ ਵਿਚ ਰਾਹ ਦਿਸਦਾ ਜਾਵੇ,
ਸਾਰੇ ਮਹਾਂਪੁਰਖ ਇਹ ਜਾਨਣ,
ਵਿੱਦਿਆ ਹੀ ਹੈ ਅਸਲੀ ਚਾਨਣ,
ਤੇਲ ਦਾ ਦੀਪ ਘਰ ਚਮਕਾਵੇ,
ਵਿਦਿਆ ਦਾ ਦੀਪ ਮਨ ਰੁਸ਼ਨਾਵੇ,
ਦੀਵਾ ਬਲੇ ਹਨ੍ਹੇਰਾ ਜਾਵੇ
ਚਾਨਣ ਵਿਚ ਰਾਹ ਦਿਸਦਾ ਜਾਵੇ,
ਵਿੱਦਿਆਹੀਣ ਅਗਿਆਨੀ ਸਾਰੇ,
ਵਹਿਮਾਂ ਭਰਮਾਂ ਦੇ ਨੇ ਮਾਰੇ,
ਗਿਆਨ ਚਾਨਣ ਦੇਵੇ ਆਜ਼ਾਦੀ,
ਇਸ ਤੋਂ ਬਿਨਾਂ ਹੋਵੇ ਬਰਬਾਦੀ,
ਦੀਵਾ ਬਲੇ ਹਨ੍ਹੇਰਾ ਜਾਵੇ
ਚਾਨਣ ਵਿਚ ਰਾਹ ਦਿਸਦਾ ਜਾਵੇ,
ਇਹ ਚਾਨਣ ਸਾਡਾ ਡਰ ਹਟਾਵੇ,
ਸਵੈਮਾਣ ਦੀ ਜਾਚ ਸਿਖਾਵੇ,
ਇਸ ਤੋਂ ਬਿਨਾਂ ਕਈ ਧੱਕੇ ਖਾਵਣ,
ਵਿੱਦਿਆ ਵਾਲੇ ਖ਼ੁਸ਼ੀ ਮਨਾਵਣ,
ਪੜ੍ਹ ਵਿੱਦਿਆ ਰੁਜ਼ਗਾਰ ਵੀ ਪਾਵਣ,
ਦੀਵਾ ਬਲੇ ਹਨ੍ਹੇਰਾ ਜਾਵੇ,
ਚਾਨਣ ਵਿਚ ਰਾਹ ਦਿਸਦਾ ਜਾਵੇ |
-ਸ. ਸ. ਮਾਸਟਰ, ਸ. ਹ. ਸਕੂਲ ਗੁਰੂਵਾਲੀ (ਅੰਮਿ੍ਤਸਰ)
ਮੋਬਾਈਲ : 88724-00192.
