ਅੱਜ ਵਿਸਾਖੀ ਦਾ ਆਗਮ ਹੈ
ਮਹਿਕ ਰਿਹਾ ਸਾਰਾ ਆਲਮ ਹੈ।
ਹਰ ਪਾਸੇ ਖੇੜਾ ਹੀ ਖੇੜਾ,
ਕਿੰਨਾ ਪਿਆਰਾ ਇਹ ਮੌਸਮ ਹੈ।
ਪੌਣਾਂ ਵਿਚ ਸੰਗੀਤ ਲਹਿਰੀਆਂ,
ਪਿਆਰ ਤੇਰਾ ਕਿੰਨਾ ਸੂਖ਼ਮ ਹੈ।
ਦਿਲ ਦੇ ਵਿਹੜੇ ਫੁੱਲ ਖਿੜੇ ਨੇ,
ਸਾਹਾਂ ਵਿਚ ਤੇਰੀ ਸਰਗਮ ਹੈ।
ਇਸ ਦਿਨ ਦੇ ਇਤਿਹਾਸ ਨੂੰ ਸਿਜਦੇ
ਜਦ ਤੱਕ ਸਾਡੇ ਦਮ ਵਿਚ ਦਮ ਹੈ।
ਦਸਮ ਪਿਤਾ ਨੇ ਪੰਥ ਸਾਜਿਆ,
ਅਰਸ਼ਾਂ ਵਿਚ ਇਹਦਾ ਪਰਚਮ ਹੈ।
ਜਲ੍ਹਿਆਂਵਾਲਾ ਬਾਗ਼ ਦੇਖ ਕੇ,
ਹਰ ਇਕ ਅੱਖ ਹੋਈ ਪੁਰਨਮ ਹੈ।
ਯਾਦ ਤੇਰੀ ਵਿਸਮਾਦ ਤੇਰਾ ਹੈ,
ਫੁੱਲ ਤੇਰੇ, ਤੇਰੀ ਸ਼ਬਨਮ ਹੈ।
ਫ਼ਰਸ਼ੋਂ ਅਰਸ਼ ਪੁਚਾ ਦਿੰਦਾ ਹੈ,
ਇਹੋ ਜਿਹਾ ਮੇਰਾ ਮਹਿਰਮ ਹੈ।
ਅੰਦਰ ਤੂੰ ਹੈ, ਬਾਹਰ ਤੂੰ ਹੈਂ,
ਨੈਣਾਂ ਵਿਚ ਤੇਰੀ ਰਿਮਝਿਮ ਹੈ।
ਹਿਰਦੇ ਵਿਚ ਝਰਨਾਟਾਂ ਛਿੜੀਆਂ,
ਇਹ ਤੇਰਾ ਮੇਰਾ ਸੰਗਮ ਹੈ।
-0-
ਵੈਸਾਖੁ ਭਲਾ ਸਾਖਾ ਵੇਸ ਕਰੇ <h4>* ਡਾ. ਸਰਬਜੀਤ ਕੌਰ ਸੰਧਾਵਾਲੀਆ *</h4>
ਅਜੀਤ ਡੈਸਕ
14-04-2023
