ਸਰਦੀ ਆਈ-ਸਰਦੀ ਆਈ।
ਠੰਢ ਕੋਲੋਂ ਰਹਿਣਾ ਬਚ ਕੇ ਭਾਈ।
ਸਰਦੀ ਆਈ...।
ਮੋਟੇ-ਮੋਟੇ ਤੁਸੀਂ ਕੱਪੜੇ ਪਾਓ।
ਗਰਮ ਪਾਣੀ ਦੇ ਨਾਲ ਨਹਾਓ।
ਸਾਂਭੋ ਕੰਬਲ ਤੇ ਕੱਢੋ ਰਜਾਈ।
ਸਰਦੀ ਆਈ...।
ਬੱਚਿਓ ਮੇਰੀ ਮੰਨ ਲਓ ਸਲਾਹ।
ਗਰਮ ਦੁੱਧ ਜਾਂ ਫੇਰ ਪੀਓ ਚਾਹ।
ਧੁੱਪ ਵਿਚ ਬੈਠ ਕੇ ਕਰੋ ਪੜ੍ਹਾਈ।
ਸਰਦੀ ਆਈ...।
ਸਰਦੀ ਕਰਦੀ ਹੈ ਬਾਹਲਾ ਤੰਗ।
ਨਾਲ ਜ਼ੁਕਾਮ ਦੇ ਲੰਘਦੀ ਖੰਘ।
ਲੈਣੀ ਪੈਂਦੀ ਹੈ ਫੇਰ ਦਵਾਈ।
ਸਰਦੀ ਆਈ...।
'ਭੁੱਲਰ' ਦਾ ਤੁਸੀਂ ਮੰਨੋ ਕਹਿਣਾ।
ਸਰਦੀ ਕੋਲੋਂ ਹੈ ਬਚਕੇ ਰਹਿਣਾ।
'ਹਰਦੇਵ' ਨੇ ਸੱਚੀ ਗੱਲ ਸਮਝਾਈ।
ਸਰਦੀ ਆਈ...।
-ਹਰਦੇਵ ਸਿੰਘ ਭੁੱਲਰ
ਪਿੰਡ ਮਸਤੇ ਵਾਲਾ (ਜ਼ੀਰਾ)।
ਮੋਬਾਈਲ : 94173-19048
