ਪੰਡਿਤ ਸ਼ਰਧਾ ਨੰਦ ਵੱਡੀ ਤੋਂਦ ਨੂੰ ਭਰਨ, ਸਰਾਧਾਂ ਵਿਚ ਜਜਮਾਨਾਂ ਦੇ ਘਰ ਜਾਂਦੇ, ਤਾਂ ਪੂਰੀ ਸੇਵਾ ਹੁੰਦੀ | ਪੈਰ ਧੋਤੇ ਜਾਂਦੇ, ਵਧੀਆ ਪਕਵਾਨਾਂ ਦੇ ਨਾਲ ਖੀਰ ਜ਼ਰੂਰ ਮਿਲਦੀ | ਲੋਕ ਆਪਣੇ ਪਰਲੋਕ ਸਿਧਾਰੇ ਵਡੇਰਿਆਂ ਦਾ ਸ਼ਰਾਧ ਕਰਦੇ ਤੇ ਪੰਡਿਤਾਂ ਨੂੰ ਭੋਜਨ ਛਕਾਉਂਦੇ | ਪੰਡਿਤ ਸ਼ਰਧਾ ਨੰਦ ਕੇਵਲ ਚਾਰ ਪੰਜ ਘਰ ਥੋੜ੍ਹਾ ਜਿਹਾ ਭੋਜਨ ਤੇ ਕਟੋਰਾ ਖੀਰ ਖਾ ਕੇ ਤੇ ਦੱਕਛਣਾ ਲੈ ਕੇ ਘਰ ਪਰਤਦੇ ਤੇ ਲਮਲੇਟ ਹੋ ਜਾਂਦੇ | ਅੱਜ ਗੁੱਗੀ ਦੇ ਘਰ ਜਦੋਂ ਪੰਡਿਤ ਜੀ ਸਰਾਧ ਛਕਣ ਆਏ ਤਾਂ ਉਨ੍ਹਾਂ ਸ਼ਿਕਾਇਤ ਕੀਤੀ, 'ਭਾਈ ਖੀਰ ਵਿਚ ਤਾਂ ਖੰਡ ਜਮਾਂ ਈ ਨੀ ਪਾਈ, ....ਤਾਂ ਮਾਂ ਕੋਲ ਖੜ੍ਹੇ ਗੁੱਗੀ ਨੇ ਝੱਟ ਜੁਆਬ ਦਿੱਤਾ, 'ਪੰਡਿਤ ਜੀ ਥੋਨੂੰ ਤਾਂ ਐਂ ਈ ਛਕਣੀ ਪਊ, ਸਾਡੇ ਬਾਬੇ ਦਾ ਸਰਾਧ ਐ, ਉਨ੍ਹਾਂ ਨੂੰ ਤਾਂ ਸ਼ੂਗਰ ਹੋਈ ਪਈ ਸੀ |'
-ਰਾਜਪੁਰਾ | ਮੋਬਾਈਲ : 98151-13038
