ਜਲ ਹੀ ਜੀਵਨ ਹੈ, ਗੱਲ ਸਮਝ ਤੂੰ ਭਾਈ,
ਬੂੰਦ- ਬੂੰਦ ਅੰਮ੍ਰਿਤ ਹੈ, ਨਾ ਐਵੇਂ ਗਵਾਈਂ...।
ਪਹਾੜਾਂ ਵਿੱਚੋਂ ਆਵੇ ਮਿੱਠੜਾ ਨੀਰ ਕਹਾਵਂੇ,
ਹਰ ਇੱਕ ਪਿਆਸੇ ਦੀ ਤੂੰ ਪਿਆਸ ਬੁਝਾਵਂੇ,
ਦਰਿਆ, ਨਦੀਆਂ, ਸਾਗਰ ਦੀ ਤੂੰ ਹੋਂਦ ਬਣਾਈ...।
ਬੰਜਰ, ਮਾਰੂਥਲ ਵਿੱਚ ਸੂਹੇ ਫੁੱਲ ਉਗਾਵੇਂ,
ਤੇਰੀ ਬੂੰਦ-ਬੂੰਦ ਹੈ ਅੰਮ੍ਰਿਤ ਬਣ ਜਾਵੇ,
ਫਸਲਾਂ ਸੰਗ ਝੂਮਦੀ ਫਿਰ ਕੁੱਲ ਲੋਕਾਈ...।
ਜਲ ਬਾਝੋਂ ਬੰਦਿਆਂ ਤੇਰੀ ਹੋਂਦ ਨਾ ਕੋਈ,
ਧਰਤੀ 'ਚੋਂ ਮੁੱਕਿਆ ਫਿਰ ਨਾ ਧਾਹੀਂ ਰੋਈ,
ਗੁਰੂਬਾਣੀ ਜਾਂਦੀ ਤੈਨੂੰ ਨਿੱਤ ਸਮਝਾਈਂ...।
ਪਾਣੀ ਜੀਵਨ ਦਾਤਾ ਹੈ ਗੱਲ ਸੱਚ ਤੂੰ ਜਾਣੀ,
ਸੰਜਮ ਨਾਲ਼ ਵਰਤੋ ਬਿਰਥਾ ਜਾਏ ਨਾ ਪਾਣੀ,
'ਪ੍ਰੀਤ ਬੀੜ ਕਿਸ਼ਨ', ਪਾਣੀ ਪਿਤਾ ਹੈ ਭਾਈ...।
-ਗੁਰਪ੍ਰੀਤ ਸਿੰਘ ਬੀੜ ਕਿਸ਼ਨ
ਪਿੰਡ ਬੀਜਾ, ਤਹਿ. ਖੰਨਾ, ਜ਼ਿਲ੍ਹਾ-ਲੁਧਿਆਣਾ।
ਮੋਬਾਈਲ : 99884-66885
