ਆਰਥਿਕ ਮੰਦਵਾੜੇ ਕਾਰਨ ਫਿੱਕੀ ਪਈ ਕੈਨੇਡਾ ਦੇ ਘਰਾਂ ਦੀ ‘ਚਮਕ’
ਵੈਨਕੂਵਰ, 21 ਅਗਸਤ (ਮਲਕੀਤ ਸਿੰਘ)-ਪਿਛਲੇ ਤਕਰੀਬਨ ਇਕ ਸਾਲ ਤੋਂ ਕੈਨੇਡਾ ਦੇ ਰਿਹਾਇਸ਼ੀ ਬਾਜ਼ਾਰ ’ਚ ਲਗਾਤਾਰ ਚੱਲ ਰਹੇ ਆਰਥਿਕ ਮੰਦਵਾੜੇ ਨੇ ਇਕ ਤਰ੍ਹਾਂ ਨਾਲ ਮੱਧ ਵਰਗ ਦੀ ਸ਼੍ਰੇਣੀ ’ਚ ਆਉਂਦੇ ਇੱਥੇ ਵੱਸਦੇ ਹਜ਼ਾਰਾਂ ਪਰਿਵਾਰਾਂ ਅਤੇ ਨਿਵੇਸ਼ਕਾਂ ਦੀ ਆਰਥਿਕਤਾ ਹਿਲਾ ਦਿੱਤੀ ਜਾਪਦੀ ਹੈ। ਕੈਨੇਡਾ ਦੇ ਮਹਾਨਗਰਾਂ ਟੋਰਾਂਟੋ, ਬਰੈਂਪਟਨ, ਕੈਲਗਰੀ ਤੇ ਐਡਮਿੰਟਨ ਤੋਂ ਸ਼ੁਰੂ ਹੋਇਆ ਆਰਥਿਕ ਮੰਦਵਾੜੇ ਦਾ ਇਹ ਰੁਝਾਨ ਕਿਸੇ ‘ਵਾਵਰੋਲੇ’ ਵਾਂਗ ਹੁਣ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਮਹਾਂਨਗਰਾਂ ਵੈਨਕੂਵਰ, ਸਰੀ ਅਤੇ ਐਫਸਫੌਰਡ ਵੱਲ ਸਰਕ ਚੁੱਕਿਐ ਮਹਿਸੂਸ ਹੋ ਰਿਹਾ ਹੈ।
ਵੈਨਕੂਵਰ, 21 ਅਗਸਤ (ਮਲਕੀਤ ਸਿੰਘ)-ਪਿਛਲੇ ਤਕਰੀਬਨ ਇਕ ਸਾਲ ਤੋਂ ਕੈਨੇਡਾ ਦੇ ਰਿਹਾਇਸ਼ੀ ਬਾਜ਼ਾਰ ’ਚ ਲਗਾਤਾਰ ਚੱਲ ਰਹੇ ਆਰਥਿਕ ਮੰਦਵਾੜੇ ਨੇ ਇਕ ਤਰ੍ਹਾਂ ਨਾਲ ਮੱਧ ਵਰਗ ਦੀ ਸ਼੍ਰੇਣੀ ’ਚ ਆਉਂਦੇ ਇੱਥੇ ਵੱਸਦੇ ਹਜ਼ਾਰਾਂ ਪਰਿਵਾਰਾਂ ਅਤੇ ਨਿਵੇਸ਼ਕਾਂ ਦੀ ਆਰਥਿਕਤਾ ਹਿਲਾ ਦਿੱਤੀ ਜਾਪਦੀ ਹੈ। ਕੈਨੇਡਾ ਦੇ ਮਹਾਨਗਰਾਂ ਟੋਰਾਂਟੋ, ਬਰੈਂਪਟਨ, ਕੈਲਗਰੀ ਤੇ ਐਡਮਿੰਟਨ ਤੋਂ ਸ਼ੁਰੂ ਹੋਇਆ ਆਰਥਿਕ ਮੰਦਵਾੜੇ ਦਾ ਇਹ ਰੁਝਾਨ ਕਿਸੇ ‘ਵਾਵਰੋਲੇ’ ਵਾਂਗ ਹੁਣ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਮਹਾਂਨਗਰਾਂ ਵੈਨਕੂਵਰ, ਸਰੀ ਅਤੇ ਐਫਸਫੌਰਡ ਵੱਲ ਸਰਕ ਚੁੱਕਿਐ ਮਹਿਸੂਸ ਹੋ ਰਿਹਾ ਹੈ। ਜਿਸ ਦੇ ਸਿੱਟੇ ਵਜੋਂ ਘਰਾਂ ਦੀਆਂ ਕੀਮਤਾਂ ’ਚ ਆਈ ਗਿਰਾਵਟ ਕਾਰਨ ਕਈ ਪਰਿਵਾਰਾਂ ਤੇ ਨਿਵੇਸ਼ਕਾਂ ਦੇ ਵਿੱਤੀ ਸੰਕਟ ਦੀ ਅਣਕਿਆਸੀ ਘੁੰਮਣਘੇਰੀ ’ਚ ਵਿਚ ਘਿਰ ਜਾਣ ਦੀਆਂ ਚਰਚਾਵਾਂ ਆਮ ਸੁਣੀਆਂ ਜਾ ਸਕਦੀਆਂ ਹਨ। ਜਾਣਕਾਰੀ ਅਨੁਸਾਰ ਕੋਰੋਨਾ ਮਹਾਮਾਰੀ ਦੌਰਾਨ ਵੱਡੀ ਗਿਣਤੀ ਵਿਚ ਪੰਜਾਬੀਆਂ ਸਮੇਤ ਦੂਸਰੇ ਭਾਈਚਾਰੇ ਦੇ ਲੋਕਾਂ ਨੇ ਕੈਨੇਡਾ ਵਿੱਚ ਨਿਵੇਸ਼ ਦੇ ਉਦੇਸ਼ ਨਾਲ ਘਰ ਖਰੀਦੇ ਸਨ। ਉਸ ਵੇਲੇ ਕਈ ਘਰਾਂ ਦੀ ਔਸਤਨ ਕੀਮਤ 11 ਲੱਖ ਤੋਂ 13 ਲੱਖ ਕੈਨੇਡੀਅਨ ਡਾਲਰ ਤੱਕ ਹੋਣੀ ਅਨੁਮਾਨੀ ਗਈ ਸੀ, ਪਰ ਹੁਣ ਆਰਥਿਕ ਮੰਦਵਾੜੇ ਕਾਰਨ ਕਈ ਖੇਤਰਾਂ ਵਿਚ ਇਹੀ ਕੀਮਤ ਘਟ ਕੇ 9 ਲੱਖ ਤੋਂ 11 ਲੱਖ ਕੈਨੇਡੀਅਨ ਡਾਲਰ ਰਹਿ ਗਈ ਦੱਸੀ ਜਾਂਦੀ ਹੈ। ਕੈਨੇਡਾ ਸਰਕਾਰ ਵੱਲੋਂ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਤੇ ਅਸਥਾਈ ਵਸਨੀਕਾਂ ਦੀ ਗਿਣਤੀ ਸੀਮਤ ਕਰਨ ਤੋਂ ਬਾਅਦ ਕਿਰਾਏ ਦੇ ਘਰਾਂ ਅਤੇ ਰਿਹਾਇਸ਼ੀ ਬੇਸਮੈਂਟਾਂ ਦੀ ਮੰਗ ’ਚ ਵੀ ਕਮੀ ਆਈ ਹੈ। ਇਸ ਦੇ ਨਾਲ ਹੀ ਕਈ ਸ਼ਹਿਰਾਂ ਵਿਚ ਬੇਸਮੈਂਟਾਂ ਅਤੇ ਕਮਰਿਆਂ ਦੇ ਕਿਰਾਇਆਂ ਤੇ ਵੀ ਅਸਰ ਪਿਆ ਹੈ।
