ਜਨਮ-ਮੌਤ ਦੀ ਦੇਰੀ ਨਾਲ ਰਜਿਸਟ੍ਰੇਸ਼ਨ ਕਰਵਾਉਣ ਦੀ ਪ੍ਰਕਿਰਿਆ ਹੋਈ ਹੋਰ ਸਖ਼ਤ
ਜਲੰਧਰ, 1 ਅਗਸਤ (ਸ਼ਿਵ)- ਜਨਮ ਅਤੇ ਮੌਤ ਪ੍ਰਮਾਣ ਪੱਤਰ ਬਣਾਉਣ ਦੇ ਮਾਮਲੇ ਵਿਚ ਹੁਣ ਜਲਦੀ ਹੀ ਨਵਾਂ ਕਾਨੂੰਨ ਨੂੰ ਲਾਗੂ ਹੋਣ ਜਾ ਰਿਹਾ ਹੈ ਤੇ ਜਿਹੜੇ ਲੋਕ ਦੇਰੀ ਨਾਲ ਜਨਮ ਅਤੇ ਮੌਤ ਦੀ ਰਜਿਸਟ੍ਰੇਸ਼ਨ ਕਰਵਾਉਂਦੇ ਹਨ ਤਾਂ ਉਨਾਂ ਨੂੰ ਪ੍ਰਮਾਣ ਪੱਤਰ ਬਣਵਾਉਣ ਲਈ ਨਿਯਮਾਂ ਨੂੰ ਹੋਰ ਸਖ਼ਤ ਕੀਤਾ ਗਿਆ ਹੈ। ਇਸ ਬਾਰੇ ਲੋਕ-ਸਭਾ ਵਿਚ ਜਨਮ ਤੇ ਮੌਤ ਰਜਿਸਟ੍ਰੇਸ਼ਨ (ਸੋਧ) ਬਿੱਲ-2026 ਨੂੰ ਮਨਜੂਰੀ ਮਿਲਣ ਤੋਂ ਬਾਅਦ ਜਲਦੀ ਹੀ ਨਵੇਂ ਕਾਨੂੰਨ ਲਾਗੂ ਹੋਣ ਜਾ ਰਹੇ ਹਨ ਜਿਨਾਂ ਦੇ ਤਹਿਤ ਜੇਕਰ 2 ਸਾਲ ਦੀ ਦੇਰੀ ਤੋਂ ਬਾਅਦ ਪ੍ਰਮਾਣ ਪੱਤਰ ਲਈ ਜਨਮ ਜਾਂ ਮੌਤ ਦੀ ਰਜਿਸਟ੍ਰੇਸ਼ਨ ਕਰਵਾਈ ਜਾਂਦੀ ਹੈ ਤਾਂ ਇਸ ਲਈ ਪਹਿਲਾ ਦਰਜਾ ਨਿਆਇਕ ਮੈਜਿਸਟ੍ਰੇਟ ਦੀ ਮਨਜੂਰੀ ਲੈਣੀ ਪਵੇਗੀ।
ਏ.ਸੀ.ਪੀ. ਆਤਿਸ਼ ਭਾਟੀਆ ਅਤੇ ਥਾਣਾ ਮੁਖੀ ਯਾਦਵਿੰਦਰ ਸਿੰਘ ਰਾਣਾ ਜਾਣਕਾਰੀ ਦਿੰਦੇ ਹੋਏ। ਤਸਵੀਰ : ਮੁਨੀਸ਼
02-08-2026
ਨਗਰ ਨਿਗਮ ਵਿਚ ਰੋਜ਼ਾਨਾ 400 ਤੋਂ ਜ਼ਿਆਦਾ ਲੋਕ ਪ੍ਰਮਾਣ ਪੱਤਰ ਲਈ ਅਰਜ਼ੀਆਂ ਕਰਦੇ ਨੇ ਦਾਖਲ
ਜਲੰਧਰ, ਜਲੰਧਰ ਨਗਰ ਨਿਗਮ ਕੋਲ ਰੋਜ਼ਾਨਾ 300 ਤੋਂ 400ਦੇ ਕਰੀਬ ਲੋਕ ਜਨਮ-ਮੌਤ ਪ੍ਰਮਾਣ ਪੱਤਰ ਲਈ ਅਰਜ਼ੀਆਂ ਦਾਖਲ ਕਰਦੇ ਹਨ। ਇਕ ਜਾਣਕਾਰੀ ਮੁਤਾਬਕ ਇਨ੍ਹਾਂ ਦਿਨਾਂ ਵਿਚ ਅਪਲਾਈ ਕਰਨ ਦੀ ਗਿਣਤੀ ਵਧ ਗਈ ਹੈ ਕਿਉਂਕਿ ਸਰਕਾਰ ਵਲੋਂ ਪ੍ਰਮਾਣ ਪੱਤਰਾਂ ਨੂੰ ਡਿਜੀਟਲ ਕਰਨ ਲਈ 30 ਸਤੰਬਰ ਤੱਕ ਵਿਸ਼ੇਸ਼ ਛੋਟ ਦਿੱਤੀ ਗਈ ਹੈ ਕਿ ਉਹ ਬਿਨਾਂ ਕੋਈ ਆਪਣੀ ਫ਼ੀਸ ਦਿੱਤੇ ਪ੍ਰਮਾਣ ਪੱਤਰਾਂ ਨੂੰ ਡਿਜੀਟਲ ਕਰਵਾ ਸਕਦੇ ਹਨ। ਉਂਜ ਇਨ੍ਹਾਂ ਦੀ 80 ਰੁਪਏ ਪ੍ਰਤੀ ਪ੍ਰਮਾਣ ਪੱਤਰ ਮੁਤਾਬਕ ਫ਼ੀਸ ਲੱਗਦੀ ਰਹੀ ਹੈ। ਸਰਕਾਰ ਦੀ ਇਸ ਪੇਸ਼ਕਸ਼ ਦਾ ਲੋਕ ਫ਼ਾਇਦਾ ਉਠਾ ਰਹੇ ਹਨ ਤੇ ਕਈ ਸਕੂਲੀ ਬੱਚਿਆਂ ਵਲੋਂ ਵੀ ਪ੍ਰਮਾਣ ਪੱਤਰਾਂ ਨੂੰ ਡਿਜੀਟਲ ਕਰਨ ਕਰਵਾਇਆ ਜਾ ਰਿਹਾ ਹੈ। ਇਸ ਕਰਕੇ ਨਿਗਮ ਕੋਲ ਇਨ੍ਹਾਂ ਨੂੰ ਡਿਜੀਟਲ ਕਰਨ ਲਈ ਅਰਜ਼ੀਆਂ ਦੀ ਗਿਣਤੀ ਹਜ਼ਾਰਾਂ ਵਿਚ ਪੁੱਜ ਗਈ ਹੈ। ਨਿਗਮ ਕੋਲ ਡਿਜੀਟਲ ਕਰਨ ਲਈ ਇਕੋ ਹੀ ਕਰਮਚਾਰੀ ਹੈ ਜਦਕਿ ਇਨ੍ਹਾਂ ਦੀ ਗਿਣਤੀ ਵਧਾ ਕੇ ਲੋਕਾਂ ਨੂੰ ਰਾਹਤ ਦੇਣੀ ਚਾਹੀਦੀ ਹੈ। ਨਵੇਂ ਪ੍ਰਮਾਣ ਪੱਤਰ ਤਾਂ ਆਨਲਾਈਨ ਹੀ ਤਿਆਰ ਹੁੰਦੇ ਹਨ। ਉਧਰ ਜਨਮ ਅਤੇ ਮੌਤ ਬਾਰੇ ਪ੍ਰਮਾਣ ਪੱਤਰ ਲਈ ਕਈ ਹਸਪਤਾਲਾਂ ਅਤੇ ਕੁੱਝ ਸ਼ਮਸ਼ਾਨਘਾਟ ਵਾਲਿਆਂ ਨੂੰ ਨਿਗਮ ਵਲੋਂ ਆਈ. ਡੀ. ਦਿੱਤੀ ਗਈ ਹੈ ਜਿਸ ਦੇ ਤਹਿਤ ਉਹ ਸਿੱਧੇ ਹੀ ਇਨ੍ਹਾਂ ਦਾ ਡਾਟਾ ਨਿਗਮ ਕੋਲ ਭੇਜ ਦਿੰਦੇ ਹਨ ਜਿਸ ਕਰਕੇ ਨਿਗਮ ਵਲੋਂ ਇਸ ਜਾਣਕਾਰੀ ਮੁਤਾਬਕ ਪ੍ਰਮਾਣ ਪੱਤਰ ਤਿਆਰ ਕੀਤਾ ਜਾਂਦਾ ਹੈ।
