ਸਮਾਣਾ, 4 ਜੁਲਾਈ (ਸਾਹਿਬ ਸਿੰਘ)-ਹਲਕਾ ਸਮਾਣਾ ਦੇ ਯੂਥ ਕਾਂਗਰਸ ਦੀ ਭਰਤੀ ਤੇ ਚੋਣ ਪ੍ਰਕਿਰਿਆ ਵਿਚ ਵੱਖ-ਵੱਖ ਅਹੁਦਿਆਂ ਲਈ ਚੁਣੇ ਉਮੀਦਵਾਰਾਂ ਨੇ ਸਾਬਕਾ ਵਿਧਾਇਕ ਸਮਾਣਾ ਰਾਜਿੰਦਰ ਸਿੰਘ ਨਾਲ ਮੁਲਾਕਾਤ ਕੀਤੀ। ਸਾਬਕਾ ਵਿਧਾਇਕ ਨੇ ਉਨ੍ਹਾਂ ਨੂੰ ਚੁਣੇ ਜਾਣ ਦੀ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦਾ ਸਨਮਾਨ ਕੀਤਾ। ਚੁਣੇ ਗਏ ਅਹੁਦੇਦਾਰਾਂ ਵਿਚ ਜੈਦੀਪ ਸੰਧੂ (ਜੱਗਾ ਪਟਵਾਰੀ) ਨੂੰ ਅਸੈਂਬਲੀ ਪ੍ਰਧਾਨ ਸਮਾਣਾ ਮਨਜੋਤ ਵੜੈਚ ਨੂੰ ਬਲਾਕ ਪ੍ਰਧਾਨ ਸਮਾਣਾ, ਮਨਪ੍ਰੀਤ ਸਿੰਘ ਮੈਣ ਨੂੰ ਬਲਾਕ ਪ੍ਰਧਾਨ ਪਸਿਆਣਾ, ਕਰਨਦੀਪ ਸੰਧੂ ਕਮਾਲਪੁਰ ਨੂੰ ਜਨਰਲ ਸਕੱਤਰ ਸਮਾਣਾ ਅਤੇ ਹਰਵਿੰਦਰ ਸਿੰਘ ਢਾਲਾ ਨੂੰ ਜਨਰਲ ਸਕੱਤਰ ਸਮਾਣਾ ਬਣਾਇਆ ਗਿਆ ਹੈ। ਇਸ ਮੌਕੇ ਨਵਦੀਪ ਸਿੰਘ ਵੜੈਚ, ਨਵਕਰਨ ਸੰਧੂ, ਬਿਕਰਮ ਵੜੈਚ, ਸਿਮੀ ਮਾਨ, ਸਤਿੰਦਰਪਾਲ, ਲਾਡੀ ਸੰਘ ਵਿਰਕ, ਲਾਡੀ ਮੈਣ, ਪ੍ਰੀਤ ਵਿਰਕ, ਦੀਪ ਧੀਮਾਨ, ਮਿੱਠੂ ਦਦਹੇੜਾ, ਪ੍ਰਭਜੀਤ ਮਾਹਲ, ਜਾਨਪਾਲ ਸੇਖੋਂ, ਭੁਪਿੰਦਰ ਸੰਧੂ, ਹਰਿੰਦਰ ਸਿੰਘ ਭਾਨਰਾ, ਕਾਰਜ ਧਰਮੇੜੀ, ਗੁਰਜੀਤ ਜ਼ੈਲਦਾਰ ਤੇ ਕਿਰਤ ਸਮਾਣਾ ਆਦਿ ਵੀ ਹਾਜ਼ਰ ਸਨ। ਚੋਣ ਤੋਂ ਬਾਅਦ ਇਹ ਸਾਰੇ ਨਵ-ਚੁਣੇ ਅਹੁਦੇਦਾਰ ਹਲਕਾ ਸਮਾਣਾ ਦੇ ਸਾਬਕਾ ਵਿਧਾਇਕ ਰਾਜਿੰਦਰ ਸਿੰਘ ਨੂੰ ਮਿਲੇ ਅਤੇ ਪਾਰਟੀ ਲਈ ਇਕਜੁੱਟ ਹੋ ਕੇ ਕੰਮ ਕਰਨ ਦਾ ਸੰਕਲਪ ਲਿਆ । ਸਾਬਕਾ ਵਿਧਾਇਕ ਨੇ ਉਨ੍ਹਾਂ ਨੂੰ ਪਾਰਟੀ ਨੂੰ ਮਜ਼ਬੂਤ ਬਣਾਉਣ ਲਈ ਨੌਜਵਾਨ ਵਰਗ ਨੂੰ ਸਰਗਰਮੀ ਨਾਲ ਭਾਗ ਲੈਣ ਦੀ ਅਪੀਲ ਵੀ ਕੀਤੀ ।
