ਇਸ ਕਥਨ ਵਿਚ ਸੌ ਗੁਣਾ ਸੱਚਾਈ ਹੈ ਕਿ ਅਸਲ ਸੋਹਣਾ ਉਹ ਹੁੰਦਾ ਹੈ ਜੋ ਸੋਹਣੇ ਕੰਮ ਕਰਦਾ ਹੈ | ਅਸਲ ਸੋਹਣਾ ਉਹ ਨਹੀਂ ਹੁੰਦਾ ਜਿਸ ਦੀ ਸ਼ਕਲ ਸੋਹਣੀ ਹੋਵੇ, ਸਗੋਂ ਉਹ ਹੁੰਦਾ ਹੈ, ਜਿਹੜਾ ਕਿ ਆਤਮਿਕ ਤੇ ਮਾਨਸਿਕ ਤੌਰ ਉੱਪਰ ਸੋਹਣਾ ਹੋਵੇ | ਅਸਲ ਸੋਹਣਾ ਬਣਨ ਦੇ ਲਈ ਮਨੁੱਖ ਨੂੰ ਆਪਣੇ ਅੰਦਰ ਕੁਝ ਆਤਮਿਕ ਤੇ ਮਾਨਸਿਕ ਗੁਣ ਪੈਦਾ ਕਰਨੇ ਚਾਹੀਦੇ ਹਨ | ਚੰਗਾ ਗੁਣਕਾਰੀ ਹੋਣਾ ਚਾਹੀਦਾ ਹੈ | ਸੋ, ਸਰੀਰ ਦੀ ਸੁੰਦਰਤਾ ਥੋੜ੍ਹੇ ਸਮੇਂ ਲਈ ਹੁੰਦੀ ਹੈ | ਪਰ ਸੋਹਣੇ ਚਰਿੱਤਰ ਵਾਲਾ ਵਿਅਕਤੀ ਸਦਾ ਹੀ ਕਾਇਮ ਰਹਿੰਦਾ ਹੈ | ਉੱਚੇ ਗੁਣਾਂ ਤੇ ਆਦਰਸ਼ ਵਾਲਾ ਬੰਦਾ ਸ਼ਕਲੋਂ ਕੁਝ ਵੀ ਹੋਵੇ, ਉਹ ਸਹੀ ਅਰਥਾਂ ਵਿਚ ਸੁੰਦਰ ਹੁੰਦਾ ਹੈ | ਮਨੁੱਖ ਦੇ ਸੋਹਣੇ ਕੰਮ ਉਸ ਦੀ ਨੇਕੀ ਭਰੇ ਆਲੇ-ਦੁਆਲੇ ਵਿਚ ਖੁਸ਼ੀ ਤੇ ਪ੍ਰੇਮ ਦਾ ਪਸਾਰ ਕਰਦੇ ਹਨ | ਉਸ ਦੇ ਹਰ ਕਾਰਜ ਵਿਚੋਂ ਚੰਗੇ ਗੁਣਾਂ ਦੀ ਮਹਿਕ ਆਉਂਦੀ ਹੈ | ਇਸ ਲਈ ਸੋਹਣਾ ਬੰਦਾ ਉਹ ਹੈ ਜੋ ਸੋਹਣਾ ਕਰੇ, ਜਿਸ ਦੇ ਕੰਮ ਸੋਹਣੇ ਹੋਣ | ਉਸੇ ਕੰਮ ਦੀ ਪ੍ਰਸੰਸਾ ਹੁੰਦੀ ਹੈ | ਸੋ, ਪਿਆਰਿਓ, ਕੇਵਲ ਸ਼ਕਲ ਸੋਹਣੀ ਨਹੀਂ, ਬੰਦੇ ਦਾ ਕਿਰਦਾਰ ਸੋਹਣਾ ਹੋਣਾ ਚਾਹੀਦਾ ਹੈ |
-ਛੱਜਲਵੱਡੀ |sk6978950@gmail.com
