ਬਰਲਿਨ, 27 ਜੂਨ (ਇੰਟ.)-ਆਟੋਮੋਬਾਈਲ ਸੈਕਟਰ ਤੋਂ ਇਕ ਹੈਰਾਨ ਕਰਨ ਵਾਲੀ ਰਿਪੋਰਟ ਸਾਹਮਣੇ ਆਈ ਹੈ। ਜਰਮਨ ਆਟੋਮੇਕਰ ਫੌਕਸਵੈਗਨ ਲਾਗਤਾਂ ਵਿੱਚ ਮਹੱਤਵਪੂਰਨ ਕਟੌਤੀ ਕਰਨ ਲਈ ਸਖ਼ਤ ਕਦਮ ਚੁੱਕਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਯੋਜਨਾ ਦੇ ਤਹਿਤ, ਕੰਪਨੀ ਲਗਭਗ 100,000 ਕਰਮਚਾਰੀਆਂ ਨੂੰ ਛਾਂਟ ਸਕਦੀ ਹੈ ਤੇ ਜਰਮਨੀ ’ਚ ਆਪਣੇ ਚਾਰ ਪ੍ਰਮੁੱਖ ਨਿਰਮਾਣ ਪਲਾਂਟਾਂ ਨੂੰ ਸਥਾਈ ਤੌਰ ’ਤੇ ਬੰਦ ਕਰ ਸਕਦੀ ਹੈ। ਚੀਨੀ ਇਲੈਕਟ੍ਰਿਕ ਵਾਹਨ (EV) ਬ੍ਰਾਂਡਾਂ ਤੋਂ ਮਿਲ ਰਹੀ ਟੱਕਰ ਫੌਕਸਵੈਗਨ ਦੇ ਇਸ ਸਖ਼ਤ ਫੈਸਲੇ ਦਾ ਮੁੱਖ ਕਾਰਨ ਹੈ। ਕਿਫਾਇਤੀ ਤੇ ਉੱਚ-ਤਕਨੀਕੀ ਚੀਨੀ EV ਕੰਪਨੀਆਂ ਨੇ ਯੂਰਪ ਤੇ ਚੀਨ ਦੋਵਾਂ ’ਚ ਵੋਲਕਸਵੈਗਨ ਦੇ ਬਾਜ਼ਾਰ ਹਿੱਸੇ ਨੂੰ ਬੁਰੀ ਤਰ੍ਹਾਂ ਘਟਾ ਦਿੱਤਾ ਹੈ।
