ਨਵਦੀਪ ਨੇ ਸਕੂਲ ਤੋਂ ਘਰ ਆਉਂਦਿਆਂ ਹੀ ਸਕੂਲ ਵਿਚ ਹੋਏ ਵਿਸਾਖੀ ਦੇ ਪ੍ਰੋਗਰਾਮ ਬਾਰੇ ਆਪਣੀ ਦਾਦੀ ਨੂੰ ਦੱਸਣਾ ਸ਼ੁਰੂ ਕਰ ਦਿੱਤਾ | ਨਵਦੀਪ ਦੱਸ ਰਿਹਾ ਸੀ ਕਿ ਅੱਜ ਸਾਡੇ ਸਕੂਲ ਵਿਚ ਸਾਡੇ ਅਧਿਆਪਕ ਸਾਨੂੰ ਵਿਸਾਖੀ ਬਾਰੇ ਜਾਣਕਾਰੀ ਦੇ ਰਹੇ ਸਨ ਕਿ ਵਿਸਾਖੀ ਪੰਜਾਬ ਵਿਚ ਬੜੀ ਧੂਮ-ਧਾਮ ਨਾਲ ਮਨਾਈ ਜੰਦੀ ਹੈ ਅਤੇ ਇਸੇ ਦਿਨ ਹੀ ਖ਼ਾਲਸਾ ਪੰਥ ਦੀ ਸਾਜਨਾ ਵੀ ਕੀਤੀ ਗਈ ਸੀ ਅਤੇ ਇਸ ਦਿਨ ਕਿਸਾਨ ਆਪਣੀ ਪੁੱਤਾਂ ਵਾਂਗ ਪਾਲੀ ਕਣਕ ਦੀ ਫ਼ਸਲ ਦੀ ਵਾਢੀ ਦੀ ਸ਼ੁਰੂਆਤ ਕਰਦੇ ਹਨ, ਢੋਲ ਵਜਾਉਂਦੇ ਹਨ ਅਤੇ ਘਰਾਂ ਵਿਚ ਸਵਾਦਿਸ਼ਟ ਪਕਵਾਨ ਤਿਆਰ ਕੀਤੇ ਜਾਂਦੇ ਹਨ | ਲਾਗੇ ਬੈਠਾ ਬਿਸ਼ਨ ਸਿੰਘ ਨਵਦੀਪ ਦੀਆਂ ਗੱਲਾਂ ਸੁਣ ਕੇ ਖੁਸ਼ ਹੋ ਰਿਹਾ ਸੀ ਤੇ ਅੰਦਰੋਂ-ਅੰਦਰੀ ਡਰ ਰਿਹਾ ਸੀ ਕਿ ਪਿਛਲੇ ਸਾਲ ਵਾਂਗ ਕਿਤੇ ਇਸ ਵਾਰੀ ਵੀ ਉਸ ਦੀ ਪੁੱਤਾਂ ਵਾਂਗ ਪਾਲੀ ਕਣਕ ਕਿਤੇ ਮੰਡੀਆਂ ਵਿਚ ਹੀ ਨਾ ਰੁਲ ਜਾਵੇ | ਸਕੂਲ ਵਿਚ ਮਨਾਈ ਗਈ ਵਿਸਾਖੀ ਤੇ ਘਰਾਂ ਵਿਚ ਮਨਾਈ ਗਈ ਵਿਸਾਖੀ ਦਾ ਕਾਫੀ ਫਰਕ ਦੇਖ ਕੇ ਬਿਸ਼ਨ ਸਿੰਘ ਡੰੂਘੀਆਂ ਸੋਚਾਂ ਵਿਚ ਪੈ ਗਿਆ |
-ਪਿੰਡ ਬੂਆ ਨੰਗਲੀ | ਮੋਬਾਈਲ : 98150-61014
