ਜਲੰਧਰ, 20 ਮਈ (ਜਤਿੰਦਰ ਪੰਮੀ)-ਥਾਣਾ ਡਵੀਜ਼ਨ ਨੰਬਰ ਚਾਰ ਦੀ ਪੁਲਿਸ ਨੂੰ ਵਿਜੇ ਨਗਰ ਦੇ ਦੋ ਨੰਬਰ ਗੇਟ ਨੇੜਿਓਾ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਮਿਲੀ ਹੈ | ਪੁਲਿਸ ਨੇ ਲਾਸ਼ ਸ਼ਨਾਖਤ ਲਈ 72 ਘੰਟਿਆਂ ਵਾਸਤੇ ਸਿਵਲ ਹਸਪਤਾਲ ਦੇ ਮੁਰਦਾਘਰ 'ਚ ਰਖਵਾ ਦਿੱਤੀ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਚਾਰ ਦੇ ਏ.ਐਸ.ਆਈ. ਰਾਜ ਕੁਮਾਰ ਨੇ ਦੱਸਿਆ ਕਿ ਬੀਤੇ ਦਿਨ ਮਨੀ ਪੁੱਤਰ ਅਨਿਲ ਕੁਮਾਰ ਵਾਸੀ ਅਲੀ ਮੁਹੱਲਾ ਨੇ ਕੰਟਰੋਲ ਰੂਮ 'ਤੇ ਇਤਲਾਹ ਦਿੱਤੀ ਸੀ ਕਿ ਵਿਜੇ ਨਗਰ ਦੇ ਗੇਟ ਨੰਬਰ-2 ਨੇੜੇ ਇਕ ਵਿਅਕਤੀ ਦੀ ਲਾਸ਼ ਪਈ ਹੋਈ ਹੈ | ਉਹ ਸਿਪਾਹੀ ਹਰਸਿਮਰਨ ਸਿੰਘ ਨਾਲ ਮੌਕੇ 'ਤੇ ਪੁੱਜੇ ਤੇ ਲਾਸ਼ ਕਬਜ਼ੇ ਲੈ ਲਈ | ਏ.ਐਸ.ਆਈ. ਰਾਜ ਕੁਮਾਰ ਨੇ ਦੱਸਿਆ ਕਿ ਮਿ੍ਤਕ ਦੀ ਉਮਰ 55-60 ਸਾਲ ਦੇ ਕਰੀਬ, ਕੱਦ ਫੁੱਟ 7 ਇੰਚ ਸੀ, ਜਿਸ ਦੇ ਹਰੇ ਰੰਗ ਦੀ ਕਮੀਜ਼ ਤੇ ਕਾਲਾ ਪਜ਼ਾਮਾ ਹੋਇਆ ਸੀ ਤੇ ਸਿਰੋਂ ਮੋਨਾ ਸੀ | ਉਨ੍ਹਾਂ ਦੱਸਿਆ ਕਿ ਆਸ-ਪਾਸ ਦੇ ਲੋਕਾਂ ਨੂੰ ਲਾਸ਼ ਦਾ ਸ਼ਨਾਖਤ ਕਰਨ ਲਈ ਦਿਖਾਇਆ ਪਰ ਪਛਾਣ ਨਹੀਂ ਹੋ ਸਕੀ | ਇਸ ਲਾਸ਼ ਸਿਵਲ ਹਸਪਤਾਲ 'ਚ ਰਖਵਾ ਦਿੱਤੀ ਗਈ ਹੈ |
