ਗ਼ਜ਼ਲ ਉਸ ਨੇ ਛੇੜੀ

ਸਾਢੇ ਪੰਜ ਦਹਾਕੇ ਪਹਿਲਾਂ ਪਿੰਡ ਫ਼ਿਰੋਜ਼ਸ਼ਾਹ, ਜ਼ਿਲ੍ਹਾ ਫ਼ਿਰੋਜ਼ਪੁਰ ਵਿਖੇ ਪੈਦਾ ਹੋਈ, ਸਮਰਾਏ ਵਿਚ ਵਿਆਹੀ-ਵਰ੍ਹੀ ਜਸਵਿੰਦਰ ਅੱਜਕਲ੍ਹ ਫਗਵਾੜਾ ਵਿਖੇ ਰਹਿੰਦੀ ਹੈ | ਉਹ ਘਰੇਲੂ ਸੁਆਣੀ ਹੈ ਤੇ ਆਪਣਾ ਘਰ-ਪਰਿਵਾਰ ਸੰਭਾਲਦੀ ਹੈ ਤੇ ਨਾਲ-ਨਾਲ ਗ਼ਜ਼ਲਾਂ ਦੇ ਕਸੀਦੇ ਵੀ ਕੱਢਦੀ ਹੈ | ਸਾਦ-ਮੁਰਾਦੀ ਜਸਵਿੰਦਰ ਦੀਆਂ ਗ਼ਜ਼ਲਾਂ ਵੀ ਸਾਦ-ਮੁਰਾਦੀਆਂ ਹੁੰਦੀਆਂ ਹਨ | ਉਹ ਖ਼ੁਦ ਔਰਤ ਹੈ ਤੇ ਔਰਤ ਦੇ ਦਰਦ ਤੇ ਉਸ ਦੀ ਸਮਾਜਿਕ ਸਥਿਤੀ ਬਾਰੇ ਬਿਹਤਰ ਜਾਣਦੀ ਹੈ | ਏਹੀ ਕਾਰਨ ਹੈ ਕਿ ਉਸ ਦੇ ਸ਼ਿਅਰਾਂ ਵਿਚ ਇਸਤਰੀ-ਦਰਦ ਛਲਕਦਾ ਹੈ ਤੇ ਆਪਣੀਆਂ ਗ਼ਜ਼ਲਾਂ ਰਾਹੀਂ ਉਹ ਇਹ ਯੁੱਧ ਲੜ ਰਹੀ ਹੈ | ਇਸ ਕਾਲਮ ਦਾ ਮਕਸਦ ਅਜਿਹੀਆਂ ਕਲਮਾਂ ਨੂੰ ਹੱਲਾਸ਼ੇਰੀ ਦੇਣਾ ਵੀ ਹੈ, ਤਾਂ ਕਿ ਉਨ੍ਹਾਂ ਦੀ ਸ਼ਿੱਦਤ ਬਣੀ ਰਹੇ | ਗੁੱਟਾਂ ਤੋਂ ਨਿਰਲੇਪ ਉਹ ਲਿਖਣ ਵਿਚ ਨਿਰੰਤਰਤਾ ਬਣਾਈ ਰੱਖਣ ਵਿਚ ਵਿਸ਼ਵਾਸ ਰੱਖਦੀ ਹੈ | ਇਸੇ ਕਾਰਨ ਹੁਣ ਤੱਕ ਉਸ ਦੇ ਦੋ ਗ਼ਜ਼ਲ ਸੰਗ੍ਰਹਿ ਤੇ ਇਕ ਗੀਤ ਸੰਗ੍ਰਹਿ ਪੰਜਾਬੀ ਸ਼ਾਇਰੀ ਦੇ ਪਾਠਕਾਂ ਤੱਕ ਅੱਪੜ ਸਕੇ ਹਨ | ਉਸ ਦੀਆਂ ਦੋ ਗ਼ਜ਼ਲਾਂ ਪੇਸ਼ ਹਨ-

-ਮੋਬਾਈਲ : 99884-44002