ਸੀ. ਸੀ. ਪੀ-ਸੀ. ਜੀ. ਸੀ. ਲਾਂਡਰਾਂ ਨੂੰ ਪੀ. ਵੀ. ਪੀ. ਆਈ. ਅਧੀਨ ਏ. ਡੀ. ਆਰ. ਨਿਗਰਾਨੀ ਕੇਂਦਰ ਵਜੋਂ ਮਿਲੀ ਪ੍ਰਵਾਨਗੀ
ਅਜੀਤ ਡੈਸਕ
04-07-2026
ਇਸ ਦੇ ਜ਼ਰੀਏ ਭਾਰਤ ਵਿਸ਼ਵ ਪੱਧਰ ‘ਤੇ ਦਵਾਈਆਂ ਦੀ ਸੁਰੱਖਿਆ ਨੂੰ ਮਜ਼ਬੂਤ ਬਣਾਉਣ ‘ਚ ਆਪਣਾ ਮਹੱਤਵਪੂਰਨ ਯੋਗਦਾਨ ਪਾ ਰਿਹਾ ਹੈ। ਸੀ. ਸੀ. ਪੀ.-ਸੀ. ਜੀ. ਸੀ. ਲਾਂਡਰਾਂ ਵਿਖੇ ਏ. ਡੀ. ਆਰ. ਨਿਗਰਾਨੀ ਕੇਂਦਰ ਦੀ ਸਥਾਪਨਾ ਸੰਸਥਾ ਦੀ ਸਿਹਤ ਸੰਭਾਲ ਸਿੱਖਿਆ ਅਤੇ ਮਰੀਜ਼ਾਂ ਦੀ ਭਲਾਈ ਪ੍ਰਤੀ ਵਚਨਬੱਧਤਾ ‘ਚ ਇਕ ਮਹੱਤਵਪੂਰਨ ਮੀਲ ਪੱਥਰ ਸਾਬਿਤ ਹੋਵੇਗੀ। ਇਹ ਕੇਂਦਰ ਡਰੱਗ ਸੇਫ਼ਟੀ ਸਰਵੀਲੈਂਸ, ਏ. ਡੀ. ਆਰ. ਰਿਪੋਰਟਿੰਗ, ਫਾਰਮਾਕੋਵਿਜੀਲੈਂਸ ਖੋਜ, ਸਿੱਖਿਆ ਅਤੇ ਕਮਿਊਨਿਟੀ ਆਊਟਰੀਚ ਲਈ ਇਕ ਹੱਬ ਵਜੋਂ ਕੰਮ ਕਰੇਗਾ। ਇਸ ਪ੍ਰਾਪਤੀ ‘ਤੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਡਾ. ਰਾਜਦੀਪ ਸਿੰਘ ਕੈਂਪਸ ਡਾਇਰੈਕਟਰ ਸੀ. ਜੀ. ਸੀ. ਲਾਂਡਰਾਂ ਨੇ ਸੰਸਥਾ ਦੇ ਫੈਕਲਟੀ ਮੈਂਬਰਾਂ, ਵਿਦਿਆਰਥੀਆਂ ਅਤੇ ਸਾਬਕਾ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ, ਜਦਕਿ ਡਾ. ਰੁਪਿੰਦਰ ਸੋਢੀ ਡਾਇਰੈਕਟਰ ਪ੍ਰਿੰ. ਸੀ. ਸੀ. ਪੀ.-ਸੀ. ਜੀ. ਸੀ. ਲਾਂਡਰਾਂ ਨੇ ਕਿਹਾ ਕਿ ਇਹ ਵਕਾਰੀ ਮਨਜ਼ੂਰੀ ਸਮੁੱਚੀ ਸੰਸਥਾ ਲਈ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਕਿਹਾ ਕਿ ਇਹ ਮਾਨਤਾ ਸੀ. ਸੀ. ਪੀ.-ਸੀ. ਜੀ. ਸੀ. ਲਾਂਡਰਾਂ ਦੀ ਅਕਾਦਮਿਕ ਉੱਤਮਤਾ, ਮਰੀਜ਼ਾਂ ਦੀ ਸੁਰੱਖਿਆ ਅਤੇ ਸਿਹਤ ਸੰਭਾਲ ਨਵੀਨਤਾ ਪ੍ਰਤੀ ਅਟੁੱਟ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ।
