ਫਿਲੌਰ, 29 ਮਈ (ਵਿਪਨ ਗੈਰੀ, ਸਤਿੰਦਰ ਸਿੰਘ)-ਅੱਜ ਨਗਰ ਕੌਂਸਲ ਫਿਲੌਰ ਦੇ 15 ਵਾਰਡਾਂ ਦੀਆਂ ਚੋਣਾ ਦੇ ਆਏ ਨਤੀਜਿਆਂ ਅਨੁਸਾਰ ਫਿਲੌਰ ਅੰਦਰ 'ਆਪ' ਦੀ ਮੌਜੂਦਾ ਸਰਕਾਰ ਦੇ 8 ਉਮੀਦਵਾਰਾਂ ਨੇ ਬਹੁਮਤ ਨਾਲ ਵੱਡੀ ਜਿੱਤ ਪ੍ਰਾਪਤ ਕੀਤੀ ਹੈ | ਜਿਸ ਦਾ ਸਿਹਰਾ ਹਲਕਾ ਇੰਚਾਰਜ ਪਿ੍ੰਸੀਪਲ ਪ੍ਰੇਮ ਕੁਮਾਰ ਦੇ ਸਿਰ ਸਜਿਆ ਹੈ ਤੇ ਪਿ੍ੰਸੀਪਲ ਨੇ ਜਿੱਤੇ ਹੋਏ ਉਮੀਦਵਾਰਾਂ ਨੂੰ ਵਧਾਈ ਦਿੱਤੀ ਅਤੇ ਢੋਲ ਧਮਕਿਆਂ ਨਾਲ ਉਨ੍ਹਾਂ ਦਾ ਸਵਾਗਤ ਕੀਤਾ | ਇਸ ਤੋਂ ਇਲਾਵਾ ਕਾਂਗਰਸ ਦੇ 3 ਉਮੀਦਵਾਰ, ਬਸਪਾ ਦੇ 2 ਉਮੀਦਵਾਰ ਅਤੇ 2 ਆਜ਼ਾਦ ਉਮੀਦਵਾਰਾਂ ਨੇ ਵੀ ਜਿੱਤ ਪ੍ਰਾਪਤ ਕੀਤੀ ਹੈ | ਜਾਣਕਾਰੀ ਮੁਤਾਬਿਕ ਵਾਰਡ ਨੰ. 1 ਵਿਚੋਂ ਆਪ ਦੇ ਜਸਵਿੰਦਰ ਕੌਰ 405 ਵੋਟਾਂ, ਵਾਰਡ ਨੰ. 2 ਵਿਚੋਂ ਆਪ ਦੇ ਸ਼ੰਕਰ ਸੰਧੂ 353 ਵੋਟਾਂ, ਵਾਰਡ ਨੰ. 3 ਵਿਚੋਂ ਆਪ ਦੇ ਰਣਜੀਤਾ 381 ਵੋਟਾਂ, ਵਾਰਡ ਨੰ. 4 ਵਿਚੋਂ ਆਜ਼ਾਦ ਅਮਿਤ ਪੰਮਾ 363 ਵੋਟਾਂ, ਵਾਰਡ ਨੰ. 5 ਵਿਚੋਂ ਆਜ਼ਾਦ ਮੰਜੂ ਬਾਲਾ 671 ਵੋਟਾਂ, ਵਾਰਡ ਨੰ. 6 ਵਿਚੋਂ ਆਪ ਦੇ ਪਰਮਜੀਤ ਭਾਰਤੀ 488 ਵੋਟਾਂ, ਵਾਰਡ ਨੰ. 7 ਵਿਚੋਂ ਆਪ ਦੇ ਸਰਬਜੀਤ ਕੌਰ 231 ਵੋਟਾਂ, ਵਾਰਡ ਨੰ. 8 ਵਿਚੋਂ ਆਪ ਦੇ ਵੈਭਵ ਸ਼ਰਮਾ 459 ਵੋਟਾਂ, ਵਾਰਡ ਨੰ. 9 ਵਿਚੋਂ ਕਾਂਗਰਸ ਦੇ ਮਧੂ ਬੱਠਲਾਂ 448 ਵੋਟਾਂ, ਵਾਰਡ ਨੰ. 10 ਵਿਚੋਂ ਆਪ ਦੇ ਸੁਰਿੰਦਰ ਡਾਬਰ 540 ਵੋਟਾਂ, ਵਾਰਡ ਨੰ. 11 ਵਿਚੋਂ ਕਾਂਗਰਸ ਦੇ ਪ੍ਰਭਜੋਤ ਕੌਰ 404 ਵੋਟਾਂ, ਵਾਰਡ ਨੰ. 12 ਵਿਚੋਂ ਆਪ ਦੇ ਰਜਨੀ ਗਾਬਾ 565 ਵੋਟਾਂ, ਵਾਰਡ ਨੰ. 13 ਵਿਚੋਂ ਕਾਂਗਰਸ ਦੇ ਮਲਕੀਤ ਸਿੰਘ 338 ਵੋਟਾਂ, ਵਾਰਡ ਨੰ. 14 ਵਿਚੋਂ ਬਸਪਾ ਦੇ ਬੁੱਧ ਪ੍ਰਕਾਸ਼ 280 ਵੋਟਾਂ, ਵਾਰਡ ਨੰ. 15 ਵਿਚੋਂ ਬਸਪਾ ਦੇ ਪਾਲ ਰਾਮ ਸੰਧੂ 405 ਵੋਟਾਂ ਹਾਸਲ ਕਰਕੇ ਕੌਂਸਲਰ ਬਣੇ ਹਨ |
