ਗ਼ਜ਼ਲ

ਲੈ ਜਾਂਦੀ ਹੈ ਸਿਰ ਤੋਂ ਲਾਹ ਕੇ ਤਾਜ ਹਵਾ!
ਜ਼ੋਰ ਜੁਲਮ ਨਾ ਸਹਿੰਦੀ ਹੁਣ ਨਾਰਾਜ਼ ਹਵਾ!

ਜਦੋਂ ਦੇਖਦੀ ਉੱਚੇ ਤਖ਼ਤ ਹੰਕਾਰ ਗਏ,
ਮਿੱਟੀ ਵਿਚ ਵੀ ਭਰ ਦਿੰਦੀ ਪਰਵਾਜ਼ ਹਵਾ!

ਇਸ ਦੇ ਅੰਦਰ ਲੱਖਾਂ ਹੀ ਸੁਰ ਜਾਗ ਰਹੇ,
ਪੱਤੇ ਪੱਤੇ ਨੂੰ ਕਰ ਜਾਂਦੀ ਸਾਜ਼ ਹਵਾ!

ਇਕ ਦੂਜੇ ਦੀ ਅਗਨੀ ਤੋਂ ਕਿਉਂ ਡਰਦੇ ਨੇ,
ਧੁਖਦੇ ਬੰਦਿਆਂ 'ਤੇ ਕਰਦੀ ਇਤਰਾਜ਼ ਹਵਾ!

ਕਿਥੇ ਲੋਚੀ ਮਹਿਕਾਂ ਵਰਗੇ ਬੋਲ ਤੇਰੇ,
ਸੁਣਿਐਂ! ਅੱਜਕਲ੍ਹ ਤੇਰੇ 'ਤੇ ਨਾਰਾਜ਼ ਹਵਾ!

-20 ਸੈਕਿੰਡ ਫਲੋਰ, ਐਚ.ਆਈ.ਜੀ., ਰਾਜਗੁਰੂ ਨਗਰ, ਲੁਧਿਆਣਾ |
ਮੋਬਾਈਲ : 98142-53315