ਨਵੀਂ ਦਿੱਲੀ, 2 ਜੁਲਾਈ (ਪੀ.ਟੀ.ਆਈ.)-’ਕਾਕਰੋਚ ਜਨਤਾ ਪਾਰਟੀ’ ਇਸ ਸਮੇਂ ਦਿੱਲੀ ਦੇ ਜੰਤਰ-ਮੰਤਰ ’ਤੇ ਸ਼ਾਂਤਮਈ ਵਿਰੋਧ ਪ੍ਰਦਰਸ਼ਨ ਕਰ ਰਹੀ ਹੈ। ਨੀਟ ਪੇਪਰ ਲੀਕ ਸਕੈਂਡਲ ਦੇ ਸੰਬੰਧ ’ਚ, ਉਹ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਦੇ ਅਸਤੀਫ਼ੇ ਦੀ ਮੰਗ ਕਰ ਰਹੇ ਹਨ। ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਔਨਲਾਈਨ ਇਸ ਪ੍ਰਦਰਸ਼ਨ ਲਈ ਆਪਣਾ ਸਮਰਥਨ ਪ੍ਰਗਟ ਕੀਤਾ ਹੈ। ਹਾਲਾਂਕਿ, ਪੰਜਾਬੀ ਗਾਇਤ ਦਿਲਜੀਤ ਦੋਸਾਂਝ ਨੇ ਇਸ ਅੰਦੋਲਨ ਤੋਂ ਆਪਣੀ ਦੂਰੀ ਬਣਾਈ ਹੈ ਤੇ ਕਿਸੇ ਵੀ ਤਰ੍ਹਾਂ ਸ਼ਾਮਿਲ ਹੋਣ ਦੀ ਕੋਈ ਇੱਛਾ ਨਹੀਂ ਦਿਖਾਈ ਹੈ। ਦਿਲਜੀਤ ਹਾਲ ਹੀ ’ਚ ਇੰਸਟਾਗ੍ਰਾਮ ’ਤੇ ਲਾਈਵ ਹੋਏ, ਜਿੱਥੇ ਇਕ ਪ੍ਰਸ਼ੰਸਕ ਨੇ ਇਸ ਵਿਰੋਧ ਪ੍ਰਦਰਸ਼ਨ ’ਤੇ ਉਸਦੀ ਰਾਏ ਜਾਣਨੀ ਚਾਹੀ। ਬਿਨਾਂ ਕਿਸੇ ਝਿਜਕ ਦੇ, ਗਾਇਕ ਨੇ ਪੰਜਾਬੀ ’ਚ ਜਵਾਬ ਦਿੱਤਾ ਕਿ “ਜੰਤਰ-ਮੰਤਰ ’ਤੇ ਕਿਹੜਾ ਵਿਰੋਧ ਪ੍ਰਦਰਸ਼ਨ ਹੋ ਰਿਹਾ ਹੈ? ਕਿਰਪਾ ਕਰਕੇ, ਮੈਨੂੰ ਇਨ੍ਹਾਂ ਵਿਰੋਧ ਪ੍ਰਦਰਸ਼ਨਾਂ ਤੇ ਅਜਿਹੇ ਮਾਮਲਿਆਂ ਤੋਂ ਦੂਰ ਰੱਖੋ। ਮੈਂ ਇੱਕ ਕਲਾਕਾਰ ਹਾਂ, ਸਿਆਸਤਦਾਨ ਨਹੀਂ। ਇਸ ਦੁਨੀਆਂ ਵਿਚ ਕਦੇ ਵੀ ਕੁਝ ਵੀ ਚੰਗਾ ਨਹੀਂ ਹੁੰਦਾ।
