ਲਘੂ ਵਿਅੰਗ-ਨਵੇਂ ਗੋਡੇ

ਰਾਮ ਮੂਰਤੀ ਨਵੇਂ ਗੋਡੇ ਪੁਆ ਕੇ ਬਾਗ ਵਿਚ ਟਹਿਲ ਰਿਹਾ ਸੀ | ਪਿਛੋਂ ਮਖੌਲੀਆ ਜੀਵਨ ਦਰਿਆ ਉਰਫ਼ ਪ੍ਰਭੂ ਆ ਕੇ ਉਸ ਨੂੰ ਕਹਿਣ ਲੱਗਾ, 'ਓਏ ਰਾਮ ਮੂਰਤੀ ਤੂੰ ਗੋਡੇ ਨਵੇਂ ਪੁਆਏ ਨੇ?'
'ਆਹੋ, ਕੋਈ ਸ਼ੱਕ ਤੈਨੂੰ ਦੀਂਹਦਾ ਨਹੀਂ |' ਰਾਮ ਮੂਰਤੀ ਨੇ ਜਵਾਬ ਦਿੱਤਾ |
ਇਸ 'ਤੇ ਪ੍ਰਭੂ ਆਪਣੀ ਠੋਡੀ 'ਤੇ ਉਂਗਲੀ ਰੱਖਦਾ ਹੋਇਆ ਬੋਲਿਆ, 'ਮੈਨੂੰ ਇੰਜ ਲਗਦਾ ਕਿ ਡਾਕਟਰਾਂ ਨੇ ਤੇਰੇ ਗੋਡੇ ਜ਼ਨਾਨੀਆਂ ਵਾਲੇ ਪਾ ਦਿੱਤੇ ਨੇ ਕਿਉਂਕਿ ਤੇਰੀ ਤੋਰ ਜ਼ਨਾਨੀਆਂ ਵਰਗੀ ਹੋ ਗਈ ਐ', ਇਹ ਕਹਿ ਕੇ ਪ੍ਰਭੂ ਮੁਸਕਰਾਉਂਦਾ ਹੋਇਆ ਅੱਗੇ ਲੰਘ ਗਿਆ ਤੇ ਰਾਮ ਮੂਰਤੀ ਥੜ੍ਹੇ 'ਤੇ ਬੈਠ ਕੇ ਆਪਣੇ ਗੋਡੇ ਨਿਹਾਰਨ ਲੱਗ ਪਿਆ |

-ਮੋਬਾਈਲ : 98883-65000